சேலஞ்ச் ஓட்டு , டெண்டர் ஓட்டு என பரவும் பொய்யான தகவல் உண்மை என்ன False Claims On 'Challenge Vote' And 'Tender Vote'

கடந்த சில தினங்களாக சமூக வலைதளங்களில் பொது மக்கள் நலன் கருதி ஒரு முக்கிய அறிவிப்பு!

நீங்கள் வாக்குச்சாவடி சென்று, அங்கு வாக்காளர் பட்டியலில் உங்கள் பெயர் விடுபட்டிருப்பது தெரியவந்தால், உங்கள் ஆதார் அட்டை அல்லது வாக்காளர் அடையாள அட்டை இரண்டில் ஏதேனும் ஒன்றை காட்டி, வாக்குரிமைச் சட்டம் பிரிவு 49A ன் கீழ் "சேலஞ்ச் ஓட்டு" கேட்டு வாக்கினை பதிவு செய்யுங்கள். உங்கள் வாக்கினை உங்களுக்கு முன்னதாக வேறொருவர் பதிவு செய்திருந்தால், "டெண்டர் ஓட்டு" கேட்டு உங்கள் வாக்கினை பதிவு செய்யுங்கள். ஒரு வாக்குச் சாவடியில் 14% க்கு மேல் டெண்டர் ஓட்டு பதிவாகி இருந்தால், அங்கு மறு வாக்குப் பதிவு நடத்தப்படும். வாக்குரிமையின் முக்கியத்துவத்தைப் பற்றி ஒவ்வொருவரும் விழிப்புணர்வு பெற்றிட இத்தகவலை அதிகபட்ச வாட்ஸ் அப் குழுக்களுக்கும், நண்பர்களுக்கும் சமுதாய நலன் கருதி இத்தகவலை மறவாமல் பகிர்ந்திடுங்கள். என பரவுகின்றது

மேற்கண்ட தகவல் உண்மை இல்லை

சேலஞ்ச் ஓட்டு என்பது, வாக்காளர் பட்டியலில் பெயர் இருந்து வாக்களிக்க வரும் வாக்காளர் ஒருவரின் அடையாளம் அல்லது ஆவணம் அல்லது வாக்காளர் கள்ள போட வந்துள்ளார் என பூத் ஏஜெண்ட்க்கு சந்தேகம் வந்தால் அவர் தேர்தல் அதிகாரியிடம்  ஆட்சேபனை தெரிவிக்கலாம்.

அங்கு தேர்தல் அதிகாரி பூத் ஏஜெண்ட்டிடமிருந்து ரூ.2 கட்டணம் பெற்று  வாக்காளரிடம் உள்ள ஆவணங்களை சரிபார்த்து ஆட்சேபனை தவறு என்றால், அந்த வாக்காளர் ஓட்டுப்பதிவு செய்ய அனுமதிக்க வேண்டும்.

ஆட்சேபனை சரி எனில், அந்த வாக்காளரை போலீசாரிடம் ஒப்படைப்பர்.பின், முகவரிடமிருந்து பெற்ற ரூ.2ஐ அவரிடம் திருப்பி வழங்குவர். இது தான் சேலஞ்ச் ஓட்டு ஆகும்

வாக்காளர் பட்டியலில் உங்கள் பெயர் இருந்து நீங்கள் வாக்களிக்காமல் உங்களுக்கு பதில் உங்கள் ஓட்டை யாராவது கள்ள ஓட்டு போட்டிருந்தால் டெண்டர் ஓட்’ என்ற முறைப்படி, நீங்கள் உங்கள் வாக்குரிமையை மீண்டும் பெறலாம்’