இன்றைய 26.01.2026 முக்கிய செய்திகளின் தொகுப்பு இதோ News Headlines Today

 இன்று 26.01.2026 திங்கட்கிழமை இன்றைய நாளின் முக்கிய செய்திகளின் தொகுப்பு இதோ News Headlines Today

📢 தமிழக செய்திகள்:-

மெரினாவில் ஆளுநர் கொடியேற்றம்: சென்னை மெரினா கடற்கரை சாலையில் நடைபெற்ற குடியரசு தின விழாவில் தமிழக ஆளுநர் ஆர்.என்.ரவி தேசியக் கொடியை ஏற்றி வைத்தார்.

வீரதீர விருதுகள்: வீரதீரச் செயல்கள் புரிந்தவர்களுக்கான பதக்கங்களையும், மத நல்லிணக்க விருதுகளையும் முதல்வர் மு.க.ஸ்டாலின் வழங்கினார். 

தமிழகத்தின் அலங்கார ஊர்தி "பசுமை ஆற்றல் மற்றும் தற்சார்பு இந்தியா" என்ற மையக்கருத்துடன் வடிவமைக்கப்பட்டுள்ளது.

பெட்ரோல் விலை: சென்னையில் இன்று பெட்ரோல் மற்றும் டீசல் விலையில் மாற்றமின்றி விற்பனை செய்யப்படுகிறது.

தமிழ்நாட்டில் இருந்து PADMA BHUSHAN விருது பெறத் தேர்வாகியிருக்கும் ராமசாமி பழனிசாமி, மயிலானந்தன் ஆகியோருக்கும், PADMA SHRI விருது பெறத் தேர்வாகியிருக்கும் எச்.வி.ஹண்டே, சிவசங்கரி, காயத்ரி பாலசுப்ரமணியன் & ரஞ்சனி பாலசுப்ரமணியன், ராமசாமி, விஜயகுமார், ஓதுவார் திருத்தணி சுவாமிநாதன், புண்ணியமூர்த்தி நடேசன், ராஜஸ்தபதி காளியப்ப கவுண்டர், திருவாரூர் பக்தவத்சலம், வி.காமகோடி ஆகியோருக்கும் எனது நெஞ்சார்ந்த வாழ்த்துகள்.

வேலூர் - குடியாத்தம்: வேலூர் மாவட்டம் குடியாத்தத்தில் புதிதாகக் கட்டப்பட்டுள்ள 300 படுக்கைகள் கொண்ட மாவட்ட அரசு தலைமை மருத்துவமனையை அமைச்சர் துரைமுருகன் இன்று திறந்து வைத்தார். ஐந்து தளங்களைக் கொண்ட இந்த மருத்துவமனையில் சிடி ஸ்கேன் (CT Scan), நவீன அறுவை சிகிச்சை அரங்கம் மற்றும் 24 மணி நேர மின் வசதி உள்ளிட்ட அதிநவீன வசதிகள் செய்யப்பட்டுள்ளன. இது அந்தப் பகுதியில் உள்ள சுமார் 80 கிராம மக்களுக்கு வரப்பிரசாதமாக அமையும்.

✍🏻இந்திய செய்திகள்

தலைநகர் டெல்லியில் கொண்டாட்டம்: டெல்லி கடமைப் பாதையில் (Kartavya Path) குடியரசுத் தலைவர் திரௌபதி முர்மு தேசியக் கொடியை ஏற்றி வைத்தார். 

சிறப்பு விருந்தினர்கள்: ஐரோப்பிய கவுன்சில் தலைவர் அன்டோனியோ கோஸ்டா மற்றும் ஐரோப்பிய ஆணையத்தின் தலைவர் உர்சுலா வான் டெர் லேயன் ஆகியோர் இவ்விழாவில் சிறப்பு விருந்தினர்களாகப் பங்கேற்றுள்ளனர். 

வந்தே மாதரம் 150: இந்த ஆண்டு விழாவின் மையக்கருத்தாக "வந்தே மாதரம்" பாடல் உருவானதன் 150-வது ஆண்டு கொண்டாடப்படுகிறது. 

பத்ம விருதுகள்: 2026-ஆம் ஆண்டுக்கான பத்ம விருதுகள் அறிவிக்கப்பட்டுள்ளன. இதில் நடிகர் மம்மூட்டி, மாதவன், கிரிக்கெட் வீரர் ரோகித் சர்மா மற்றும் கேரள முன்னாள் முதல்வர் அச்சுதானந்தன் உள்ளிட்டோருக்கு விருதுகள் வழங்கப்பட உள்ளன.

குடியரசு தினத்தை முன்னிட்டு இன்று இந்தியப் பங்குச்சந்தைகள் (NSE, BSE) மற்றும் கரன்சி மார்க்கெட்டிற்கு விடுமுறை அளிக்கப்பட்டுள்ளது. நாளை (ஜனவரி 27) காலை வர்த்தகம் மீண்டும் தொடங்கும்.

குடியரசு தின விழாவில் ஐரோப்பிய ஒன்றியத்தின் முக்கியத் தலைவர்கள் சிறப்பு விருந்தினர்களாகப் பங்கேற்றுள்ளது, இந்தியா - ஐரோப்பா இடையிலான சுதந்திர வர்த்தக ஒப்பந்தம் (FTA) தொடர்பான பேச்சுவார்த்தையில் நல்ல முன்னேற்றத்தை ஏற்படுத்தும் என எதிர்பார்க்கப்படுகிறது.

🌍உலக செய்திகள்

பிலிப்பைன்ஸின் தெற்குப் பகுதியில் சுமார் 342 பயணிகளுடன் சென்ற படகு ஒன்று இன்று காலை கடலில் கவிழ்ந்தது.உயிரிழப்பு: இந்த விபத்தில் குறைந்தது 8 பேர் உயிரிழந்துள்ளனர் மற்றும் 28 பேர் காணாமல் போயுள்ளதாக முதற்கட்ட தகவல்கள் தெரிவிக்கின்றன. இதுவரை 138 பேர் மீட்கப்பட்டுள்ளனர். மீட்புப் பணிகள் தொடர்ந்து நடைபெற்று வருகின்றன. 

புற்றுநோய் சிகிச்சையில் புரட்சியை ஏற்படுத்தும் வகையில், ஜப்பான் விஞ்ஞானிகள் புதிய வகை 'நானோ-ரோபோ' (Nano-robot) தொழில்நுட்பத்தை இன்று அறிமுகப்படுத்தியுள்ளனர். இது ஆரோக்கியமான செல்களைப் பாதிக்காமல் புற்றுநோய் செல்களை மட்டும் அழிக்கும் திறன் கொண்டது.

'ராக்கெட் லேப்' (Rocket Lab) நிறுவனம் ஐரோப்பிய ஒன்றியத்தின் இரண்டு புதிய புவி கண்காணிப்பு செயற்கைக்கோள்களை இன்று வெற்றிகரமாக விண்ணில் செலுத்தியது.டாவோஸ் மாநாடு: சுவிட்சர்லாந்தின் டாவோஸ் நகரில் நடந்த உலகப் பொருளாதார மன்றக் கூட்டத்தில், AI (செயற்கை நுண்ணறிவு) தொழில்நுட்பத்தால் ஏற்படப்போகும் வேலைவாய்ப்பு மாற்றங்கள் குறித்து உலகத் தலைவர்கள் விவாதித்தனர்.

ரஷ்யா, உக்ரைன் மற்றும் அமெரிக்கா இடையேயான அமைதிப் பேச்சுவார்த்தை ஐக்கிய அரபு அமீரகத்தில் நடைபெற்றது.ரஷ்யாவின் பிடிவாதம்: போரில் கைப்பற்றிய பகுதிகளைத் திரும்ப ஒப்படைக்க ரஷ்யா மறுத்துவிட்டதால், போர் நிறுத்த உடன்படிக்கையில் இன்னும் ஒருமித்த கருத்து எட்டப்படவில்லை. அடுத்தகட்ட பேச்சுவார்த்தை பிப்ரவரி 1-ம் தேதி நடைபெறும் என எதிர்பார்க்கப்படுகிறது.

ஈரானில் அரசுக்கு எதிரான போராட்டங்கள் தீவிரமடைந்துள்ள நிலையில், ஈரானின் உச்ச தலைவர் அலி காமேனி தெஹ்ரானில் உள்ள ரகசிய நிலத்தடி பதுங்கு குழிக்கு மாற்றப்பட்டுள்ளதாகத் தகவல்கள் வெளியாகியுள்ளன.இன்டர்நெட் முடக்கம்: அங்கு போராட்டங்களைக் கட்டுப்படுத்த இணையச் சேவைகள் பெரிய அளவில் முடக்கப்பட்டுள்ளன.

அவசரநிலை பிரகடனம்: அமெரிக்காவின் 15 மாகாணங்களில் கடும் பனிப்புயல் காரணமாக அவசரநிலை அமல்படுத்தப்பட்டுள்ளது. இதனால் சுமார் 14 கோடி மக்கள் பாதிக்கப்பட்டுள்ளனர்.போக்குவரத்து பாதிப்பு: சுமார் 13,000-க்கும் மேற்பட்ட விமானங்கள் ரத்து செய்யப்பட்டுள்ளன. கடும் மின்வெட்டு காரணமாக பல நகரங்கள் இருளில் மூழ்கியுள்ளன.

மியான்மரில் இன்று மாலை ரிக்டர் அளவில் 3.5 ஆக நிலநடுக்கம் பதிவானது. அதிர்ஷ்டவசமாகப் பெரும் உயிர்ச்சேதங்கள் ஏதும் ஏற்படவில்லை.

சுவிட்சர்லாந்தின் டாவோஸில் நடைபெற்ற உலகப் பொருளாதார மன்றக் கூட்டத்தில், 2026-ம் ஆண்டுக்குள் கார்பன் உமிழ்வைக் குறைக்க வளர்ந்த நாடுகள் அதிக நிதியுதவி வழங்க வேண்டும் எனத் தீர்மானம் நிறைவேற்றப்பட்டது.

🏛️அரசியல் செய்திகள்

தேர்தல் நெருங்கும் நிலையில் வேட்பாளராக போட்டியிட விருப்பமனு அளித்தவர்களுக்கான நேர்காணல் தேதியை அறிவித்தார் அன்புமணி. பனையூர் கட்சி அலுவலகத்தில் நாளை முதல் வரும் 30ம் தேதி வரை, காலை 10 மணி முதல் மாலை 6 மணி வரை நேர்காணல் நடைபெறுகிறது

தேர்தல் சீசன் வந்தாலே பிரதமர் மோடியின் வடைகள் வந்துவிடும் என முதல்வர் விமர்சனம்; தமிழ்நாட்டு மக்கள் தந்த தோல்விகள் மறந்துவிட்டதா என்றும் கேள்வி 

அடுத்தடுத்து விலகும் ஓ.பன்னீர்செல்வம் ஆதரவாளர்கள்; விஜய் முன்னிலையில் தவெகவில் இணைந்தார் முன்னாள் அமைச்சர் கு.ப.கிருஷ்ணன்

திமுகவின் ‘வெல்லும் தமிழ்ப் பெண்கள்' டெல்டா மண்டல மகளிர் மாநாடு இன்று மாலை நடைபெற உள்ளது.செங்கிப்பட்டி அருகே நடைபெறும் கூட்டத்தில் முதலமைச்சர் மு.க.ஸ்டாலின் சிறப்புரையாற்றுகிறார். தஞ்சை, நாகை, கடலூர் உள்ளிட்ட மாவட்டங்களை சேர்ந்த 1.5 லட்சம் பெண்கள் பங்கேற்பு.

தமிழக வெற்றிக் கழகத் தலைவர் விஜய், மொழிப்போர் தியாகிகளுக்கு மரியாதை செலுத்தியதுடன், "எந்த அழுத்தத்திற்கும் அடங்கிப் போக மாட்டேன்" என்று கட்சி நிர்வாகிகள் கூட்டத்தில் பேசியுள்ளது பரபரப்பை ஏற்படுத்தியுள்ளது.

இந்தியை திணிக்க ஒரு கும்பல் துடியாக துடிப்பதாக முதலமைச்சர் விமர்சனம். பணத்தையும், பதவியையும் காட்டி தங்களை பணிய வைக்க முடியாது என்றும் திட்டவட்டம்.

பெண்கள் பாதுகாப்பு பற்றி பாஜக ஆளும் மாநிலங்களில் பேசவேண்டியதை பிரதமர் தமிழ்நாட்டில் பேசுவதாக முதலமைச்சர் மு.க.ஸ்டாலின் கண்டனம்.

தமிழ்நாட்டைச் சேர்ந்த 11 பேருக்கு பத்ம ஸ்ரீ விருதுகள். ரோகித் சர்மா, நடிகர் மாதவன், ஹர்மன்ப்ரீத் உள்ளிட்டோருக்கும் விருதுகள் அறிவிப்பு.

🏏 விளையாட்டு செய்திகள்

நியூசிலாந்துக்கு எதிரான 3-வது டி20 போட்டியில் இந்திய அணி அபார வெற்றி பெற்று தொடரைக் கைப்பற்றியுள்ளது. அபிஷேக் சர்மா 14 பந்துகளில் அரைசதம் கடந்து அசத்தினார்.

தென்னாப்பிரிக்காவில் நடந்த SA20 தொடரில் சாம்பியன் பட்டம் வென்ற சன்ரைசர்ஸ் அணி. பிரிட்டோரியா அணியை 6 விக்கெட்டுகள் வித்தியாசத்தில் வீழ்த்தி வெற்றி.

ஐசிசி (ICC) உடனான நீண்ட மோதலுக்குப் பிறகு, இந்தியாவில் நடைபெறும் டி20 உலகக்கோப்பை தொடரில் பங்கேற்பதை பாகிஸ்தான் கிரிக்கெட் வாரியம் (PCB) உறுதி செய்துள்ளது. ஆனால், பாதுகாப்பு காரணங்களைக் கூறி வங்கதேச அணி இந்தியாவுக்கு வர மறுத்துள்ளது குறிப்பிடத்தக்கது.

🌦️ வானிலை செய்திகள்