தமிழக வெற்றிக் கழகத்தில் நாஞ்சில் சம்பத்க்கு அளிக்கப்பட்ட முக்கிய பொறுப்பு - விஜய் வெளியிட்ட அறிக்கை

தமிழக வெற்றிக் கழகத்தில், பிரபல மேடை பேச்சாளரும், அரசியல்வாதியுமான நாஞ்சில் சம்பத் நேற்று இணைந்தார்

இந்நிலையில், இன்று அவருக்கு கட்சியின் பரப்புரை செயலாளர் பதவியை வழங்கி அறிவிப்பு வெளியிட்டுள்ளார் தவெக தலைவர் விஜய்..

இது குறித்து த.வெ.க வெளியிட்டுள்ள அறிக்கையில் கூறியிருப்பதாவது :

கழகத் தோழர்களுக்கு வணக்கம்!தமிழகத்தின் மூத்த அரசியல்வாதிகளுள் ஒருவர். சிறந்த பேச்சாளர், அனைவரிடத்திலும் இனிமையாகப் பழகக் கூடியவர். அண்ணன் திரு. நாஞ்சில் சம்பத் அவர்கள், தம்மைத் தமிழக வெற்றிக் கழகத்தில் இணைத்துக்கொண்டுள்ளார். மக்களுக்கான அரசியலில் நம்மோடு பயணிக்க இருக்கும் அவரை வரவேற்பதில் பெருமகிழ்ச்சி அடைகிறேன்.

அண்ணன் திரு. நாஞ்சில் சம்பத் அவர்கள். கழகத்தின் பரப்புரைச் செயலாளர் (Campaign Secretary) பொறுப்பில் நியமிக்கப்படுகிறார் என்பதை மகிழ்வுடன் தெரிவித்துக்கொள்கிறேன்.

இவர், பொதுச் செயலாளர் திரு. என்.ஆனந்த் அவர்களுடன் இணைந்து தன்னுடையப் பணிகளை மேற்கொள்வார்.கழக நிர்வாகிகளும் தோழர்களும் இவருக்கு முழு ஒத்துழைப்பு நல்கி, மக்கள் பணியாற்றிட வேண்டும் என்று கேட்டுக்கொள்கிறேன்.இவ்வாறு அதில் கூறப்பட்டுள்ளது.