மொபைலில் சிம் கார்டு இல்லாவிட்டால் வாட்ஸ் அப் இயங்காது! மத்திய அரசின் புதிய விதிமுறை

வாட்ஸ்அப், டெலிகிராம், சிக்னல், ஸ்னாப்சாட், ஷேர்சாட், ஜியோசாட், அரட்டை மற்றும் ஜோஷ் போன்ற பிரபலமான சமூகவலைதளங்களில் சிம் கார்டு ஆக்டிவாக இல்லாவிட்டால் இனி செயல்படாது

மொபைலில் Active சிம் கார்டு இல்லாவிட்டால் வாட்ஸ் அப் Account இயங்காது என்ற புதிய விதிமுறையை அமல்படுத்தியது ஒன்றிய அரசு.

பயனரின் செல்போனில் செயலில் உள்ள சிம் கார்டு இல்லாவிட்டால், அவற்றின் சேவைகளைப் பயன்படுத்த முடியாது என்பதை உறுதிப்படுத்துமாறு தொலைத்தொடர்புத் துறை (DoT) இந்த தளங்களைக் கேட்டுக் கொண்டுள்ளது. 

தற்போது, ​​பெரும்பாலான செயலிகள் ஒரு மொபைல் எண்ணை பதிவு செய்யும் போது ஒரு முறை மட்டுமே சரிபார்க்கின்றன. அதன் பிறகு, சிம் அகற்றப்பட்டாலும் அல்லது செயலிழந்தாலும் கூட, செயலி தொடர்ந்து செயல்படும். இந்த நடைமுறை தவறாகப் பயன்படுத்துவதற்கான வாய்ப்புகளை உருவாக்குகிறது எனவே சிம் சரிபார்ப்பு தேவைப்படுகிறது என மத்திய அரசு தெளிவு படுத்தியுள்ளது

இந்த நடவடிக்கை புதிய தொலைத்தொடர்பு சைபர் பாதுகாப்பு திருத்த விதிகள், 2025 இன் கீழ் வருகிறது. மொபைலில் உள்ள சிம் கார்டு, அந்தந்த செயலிகளில் இணைக்கப்பட்டிருப்பதை 90 நாட்களுக்கு ஒரு முறை உறுதி செய்ய வேண்டும். 

அதேபோல வெப் பிரவுசர்களில் QR குறியீட்டை பயன்படுத்தி வாட்ஸ்அப், டெலிகிராம் போன்ற செயலிகளை பயன்படுத்தினால் அதை நாமாக லாக் அவுட் செய்யும்வரை அப்படியே தொடர்ந்து பயன்படுத்த முடியும். ஆனால் இந்த புதிய விதிமுறைப்படி, 6 மணிநேரத்திற்கு ஒருமுறை தானாகவே சைன் அவுட் / லாக் அவுட் ஆகிவிடும். மீண்டும் QR குறியீட்டை பயன்படுத்திதான் உள்நுழைய முடியும்.