முகவரி இல்லாமல் ஆதார் கார்டு - இனி புகைப்படமும் கியூஆர் கோடு மட்டும் தான் ஆதார் புது அப்டேட் aadhar new updates

பெயர், முகவரி இல்லாமல் ஆதார் கார்டு - இனி புகைப்படமும் கியூஆர் கோடு மட்டும் தான் ஆதார் புது அப்டேட் aadhar new updates

இந்தியாவின் ஆதார் அட்டை விரைவில் முக்கிய மாற்றம் பெற உள்ளதாக UIDAI தெரிவித்துள்ளது. இனி ஆதார் கார்டில் நபரின் புகைப்படமும் QR கோடும் மட்டும் இடம்பெறும்; பெயர், முகவரி போன்ற விவரங்கள் அச்சிடப்படாது. அடையாள சரிபார்ப்புகளுக்கு புதிய ஆதார் App பயன்படும், இதில் உள்ள கியூஆர் கோடினை காட்டினாலே போதும்; அட்டை அல்லது நகல் எடுத்துச் செல்ல வேண்டிய அவசியமில்லையாம்..

ஆ​தார் அட்டை தவறாக பயன்​படுத்​தப்​படு​வதை தடுக்க வரும் டிசம்​பரில் புதிய விதி​​களை அமல்​படுத்த இந்​திய தனித்​துவ அடை​யாள ஆணை​யம் (யுஐடிஏஐ) திட்​ட​மிட்டுள்​ளது. 

தனி​நபர், நிறுவனங்​களுக்கு பொது​மக்​களின் ஆதார் விவரங்​கள் கிடைக்கின்​றன. குறிப்​பாக ஓட்​டல்​கள், மொபைல் போன் சிம் விற்பனை​யாளர்​கள், கருத்​தரங்​கு​களை நடத்​து​வோருக்கு ஆதார் விவரங்​கள் கிடைக்​கின்​றன. இதை சிலர் தவறாக பயன்​படுத்தி ஆன்​லைன் மோசடிகளில் ஈடு​படு​கின்​றனர்.ஆதார் அட்டை தவறாக பயன்​படுத்​தப்​படு​வதை தடுக்க எந்​தவொரு இடத்​தி​லும் பொது​மக்​கள் ஆதார் நகலை கொடுக்க வேண்​டிய அவசி​யம் இருக்​காது. 

ஆதார் செயலி வாயி​லாக டிஜிட்​டல் முறையில் தகவல்​களை அளிக்க முடி​யும்.அடுத்த கட்​ட​மாக ஆதார் அட்​டை​யில் புகைப்​படம் மற்​றும் கியூஆர் கோடு மட்​டுமே அச்​சிட்டு வழங்​கும் திட்​டம் செயல்​படுத்தப்​படும். 

குறிப்​பாக 12 இலக்க எண் ஆதார் அட்​டை​யில் அச்சிடப்​ப​டாது. எனினும் அட்​டை​தா​ரரின் பெயர் இடம்​பெற வாய்ப்​பிருக்​கிறது. ஆனால் நிச்​சய​மாக முகவரி இடம்​பெறாது. பிரத்​யேக செயலி அல்​லது யுஐடிஏஐ நிறு​வனத்​தால் அங்கீகரிக்கப்​பட்ட கரு​வி​யால் மட்​டுமே கியூஆர் கோடை ஸ்கேன் செய்து தகவல்​களை பெற முடி​யும்.