15,000 ரூபாய் மாத சம்பளத்தில் கோடிக்கணக்கில் சொத்து சேர்த்த அரசு ஊழியர் முழு விபரம்

கர்நாடகா மாநிலம் கொப்பலில் உள்ள கர்நாடகா கிராமப்புற உள்கட்டமைப்பு மேம்பாட்டு லிமிடெட் (KRIDL) நிறுவனத்தில் எழுத்தராகப் பணிபுரிந்து வந்த கலக்கப்பா நிடகுண்டிக்கு மாத சம்பளம் ரூ 15 ஆயிரம் மட்டுமே ஆனால் இவர் 24 வீடுகள், சுமார் 40 ஏக்கர் நிலம் மற்றும் ரூ.30 கோடி மதிப்புள்ள கணக்கில் காட்டப்படாத சொத்துக்களுக்கு சொந்தக்காரராக இருக்கிறார்.. 

அவரது பெயரிலும் அவரது மனைவி மற்றும் சகோதரர் பெயரிலும் கோடிக்கணக்கான மதிப்புள்ள சொத்துக்கள் உள்ளன.

அரசியல் பதவிகளை தவறாகப் பயன்படுத்துதல் மற்றும் அறிவிக்கப்பட்ட வருமான ஆதாரங்களை விட அதிகமாக சொத்து குவித்தல் ஆகியவற்றைத் தடுப்பதற்கான நடவடிக்கையின் ஒரு பகுதியாக கர்நாடக லோக்ஆயுக்தா அதிகாரிகள் நடத்திய சோதனைக்குப் பிறகு இந்த பெரிய மோசடி அம்பலமானது.

மேலும், கிட்டத்தட்ட ரூ.30 லட்சம் (350 கிராம்) மதிப்புள்ள தங்கம் மற்றும் 1.5 கிலோ வெள்ளியும் மீட்கப்பட்டதாக தெரிவித்துள்ளது. முன்னாள் எழுத்தர் இரண்டு கார்கள் மற்றும் இரண்டு இரு சக்கர வாகனங்களை வைத்திருப்பதும் கண்டறியப்பட்டுள்ளது.