பாமக மாவட்டச் செயலாளர்கள் கூட்டம் அன்புமணி உட்பட பெரும்பாலான நிர்வாகிகள் புறக்கணிப்பு முழு விவரம்

பாமக மாவட்டச் செயலாளர்கள் கூட்டம் அன்புமணி உட்பட பெரும்பாலான நிர்வாகிகள் புறக்கணிப்பு முழு விவரம்

பாமக நிறுவனர் ராமதாஸ் கூட்டிய மாவட்டச் செயலாளர் தலைவர்கள் கூட்டத்தை அன்புமணி உட்பட் பெரும்பாலான நிர்வாகிகள் புறக்கணிப்பு எனத் தகவல் வெளியாகி உள்ளது.மொத்தமாக 216 நிர்வாகிகளுக்கு அழைப்பு விடுக்கப்பட்ட நிலையில் 15 பேர் மட்டுமே கூட்டத்தில் பங்கேற்றுள்ளனர்.

பாமக நிறுவனர் ராமதாஸ் அழைப்பு விடுத்த ஆலோசனை கூட்டத்திற்கு 7 மாவட்டத் தலைவர்கள், 8 மாவட்டச் செயலாளர்கள் மட்டுமே வருகை தந்துள்ளனர். பாமகவில் மொத்தம் 108 மாவட்டத் தலைவர்கள், செயலாளர்கள் உள்ள நிலையில், அதில் பெரும்பாலானோர் பங்கேற்கவில்லை என தகவல்.

விழுப்புரம் மாவட்டம் திண்டிவனத்தில் உள்ள தைலாபுரம் இல்லத்தில் ராமதாஸ் தலைமையில் இன்று(மே 16) மாவட்ட தலைவர்கள், மாவட்டச் செயலாளர்கள் கூட்டம் தொடங்கி நடைபெற்று வருகிறது

.இக்கூட்டத்தில் சில மாவட்ட தலைவர்கள், செயலாளர்கள் மட்டுமே பங்கேற்றுள்ள நிலையில், அன்புமணி ராமதாஸ் உள்ளிட்ட பல பாமக மாவட்ட தலைவர்கள், செயலாளர்கள் கூட்டத்துக்கு இதுவரை வரவில்லை என்று தகவல்கள் தெரிவிக்கின்றன.

தமிழ்நாடு சட்டப்பேரவைத் தேர்தல் அடுத்தாண்டு நடைபெற உள்ள நிலையில் கூட்டணி முடிவு, தேர்தல் பணிகள் உள்ளிட்டவை குறித்து கூட்டத்தில் ஆலோசிக்கப்பட்டு வருகிறது.

மாவட்டச் செயலாளர்கள், கட்சி பொறுப்பாளர்கள் என அனைவரும் கூட்டத்தில் பங்கேற்குமாறு பாமக நிறுவனர் ராமதாஸ் அழைப்பு விடுத்திருந்தார்.நிறுவனர் ராமதாஸுக்கும் அவரது மகன் அன்புமணி ராமதாஸுக்கும் மோதல் நிலவி வந்த நிலையில் பாமகவின் சித்திரை முழுநிலவு மாநாட்டின் இருவரும் பங்கேற்று இருந்த நிலையில், இக்கூட்டத்துக்கு அன்புமணி மற்றும் அவரது ஆதரவாளர்கள் பங்கேற்காதது அக்கட்சியினர் இடையே சற்று அதிர்ச்சியை ஏற்படுத்தியுள்ளது