அரசு பேருந்தில் பயணிக்க 90 நாட்களுக்கு முன்பே ஆன்லைனில் முன்பதிவு செய்யலாம் முழு விவரம்

அரசு பேருந்தில் பயணிக்க 90 நாட்களுக்கு முன்பே ஆன்லைனில் முன்பதிவு செய்யலாம் முழு விவரம்

தமிழ்நாடு அரசு போக்குவரத்துக் கழக பேருந்துகளில் இன்று (18.11.2024) மதியம் 12 மணி முதல் 90 நாட்களுக்கு முன்பே ஆன்லைனில் முன்பதிவு செய்யும் நடைமுறை அமல்படுத்தப்படுகிறது.

தமிழ்நாடு அரசு போக்குவரத்துக் கழக பேருந்துகளில் இனி 90 நாட்ளுக்கு முன்பே ஆன்லைனில் முன்பதிவு செய்யலாம் என அறிவிக்கப்பட்டுள்ளது 

இது குறித்து தமிழக போக்குவரத்து துறை வெளியிட்டுள்ள செய்தி குறிப்பில்:-

பயணிகளிடமிருந்து கிடைத்த கருத்துக்களின் அடிப்படையில், பயணிகள் நீண்ட காலத்திற்கு முன்பே பயணத் திட்டமிடலுக்கு ஏதுவாக, தற்போது நடைமுறையில் உள்ள 60 நாட்களுக்கு முன்னரே முன்பதிவு செய்யலாம் என்பதனை 90 நாட்கள் என உயர்த்தி 18 நவம்பர், 2024 மதியம் 12 மணி முதல் அமல்படுத்தப்படுகிறது. 

பயணிகள் கடைசி நேர கூட்ட நெரிசலை தவிர்க்கும் பொருட்டு தங்களது பயணத்திற்கு www.tnstc.in மற்றும் TNSTC அதிகாரபூர்வ மொபைல் செயலி மூலம்முன்பதிவு செய்து சிரமமின்றி பயணிக்க கேட்டுக்கொள்ளப்படுகிறார்கள். என அதில் கூறப்பட்டுள்ளது