கர்நாடக அரசுக்கு வெடிகுண்டு மிரட்டல் அடுத்த குண்டு வெடிக்கும் என இமெயில் மூலம் மிரட்டல்

கர்நாடக அரசுக்கு வெடிகுண்டு மிரட்டல் அடுத்த குண்டு வெடிக்கும் என இமெயில் மூலம் மிரட்டல் 

கர்நடாக அரசுக்கு இமெயில் மூலம் மர்ம நபர் வெடிகுண்டு மிரட்டல் விடுத்ததாக தெரிவிக்கப்பட்டு உள்ளது. 

முதலமைச்சர் சித்தராமையா, துணை முதலமைச்சர் டி.கே.சிவக்குமார், உள்துறை அமைச்சர் மற்றும் பெங்களூரு நகர் காவல் ஆணையர் ஆகியோரின் பெயரிட்டு மிரட்டல் இமெயில் அனுப்பப்பட்டு உள்ளதாக தெரிவிக்கப்பட்டு உள்ளது.

இது தொடர்பாக கிடைத்த புகாரில் சைபர் கிரைம் போலீசார் வழக்குப் பதிவு செய்து விசாரணை நடத்தி வருகின்றனர்.

மிரட்டல் இமெயிலில்:-

படத்தின் டிரெய்லர் எப்படி இருந்தது? நீங்கள் எங்களுக்கு 2.5 மில்லியன் டாலர்களை வழங்கவில்லை என்றால், கர்நாடகா முழுவதும் பேருந்துகள், ரயில்கள், கோயில்கள், ஹோட்டல்கள் மற்றும் பொது இடங்களில் நாங்கள் பெரிய குண்டு வெடிப்புகளை ஏற்படுத்துவோம்" என்று அந்த மின்னஞ்சல்களில் தெரிவிக்கப்பட்டுள்ளது.

இன்னும் ஒரு டிரெய்லரை உங்களுக்குக் காட்ட விரும்புகிறோம். அடுத்த வெடி குண்டை அம்பாரி உத்சவ் பேருந்தில் வெடிக்க வைக்க போகிறோம். அம்பாரி உத்சவ் பேருந்து குண்டுவெடிப்புக்குப் பிறகு, நாங்கள் எங்கள் கோரிக்கைகளை சமூக ஊடகங்களில் எழுப்புவோம். மேலும் உங்களுக்கு அனுப்பப்பட்ட மெயிலின் ஸ்கிரீன் ஷாட்களைப் பதிவேற்றுவோம். சமூக ஊடகங்களில், அடுத்த குண்டு வெடிப்பு பற்றிய தகவலை ட்வீட் செய்வோம்," என்று அந்த மின்னஞ்சலில் கூறப்பட்டுள்ளது.

உணவகங்கள், கோயில்கள், பேருந்துகள் அல்லது ரயில்கள் போன்ற பரபரப்பான இடங்களில் வெடிகுண்டு வைக்க போவதாக முதல்வர் சித்தராமையா, துணை முதல்வர் டி.கே. சிவக்குமார், மாநில உள்துறை அமைச்சர் மற்றும் பெங்களூரு உயர் போலீஸ்காரர்கள் ஆகியோருக்கு மின்னஞ்சலில் மிரட்டல் விடுக்கப்பட்டுள்ளது.