இண்டர்நெட் இல்லாமல் மொபைல் போனில் டிவி பார்க்கலாம் மத்திய அரசு திட்டம் Direct to Mobile

மொபைல் போனில் இன்டர்நெட் டேட்டா இல்லாமல் டிவி சேனல்களை நேரடியாக பார்ப்பதற்கான வசதிகளை கொண்டு வர மத்திய அரசு நடவடிக்கை மேற்கொண்டு வருவதாக தகவல் வெளியாகி உள்ளது.

ஸ்மார்ட்போன் பயன்பாட்டாளர்கள் பேஸ்புக், யூடியூப் உள்ளிட்ட சமூக வலைதளங்களில் பல்வேறு டிவி சேனல்கள் நேரலையாக ஒளிபரப்பு செய்கின்றன. இந்நிலையில் இன்டர்நெட் டேட்டா ஏதும் இன்றி, மொபைல் போனிலேயே டிவி சேனல்களை நேரலையாக பார்க்கும் வசதியை கொண்டு வர மத்திய அரசு ஆர்வம் காட்டி வருகிறது.இந்த சேவையை D2M (Direct to Mobile) என்று அழைக்கப்படுகின்றது

தற்போது டிவிக்களில் டிடிஎச் சேவை மூலமாக தொலைக்காட்சி சேனல்களை பார்க்கும் வசதி இருப்பதை போல லைவ் டிவி சேனல்களை மொபைல் போனிலேயே பார்க்கும் வசதியை கொண்டு வருவது குறித்துதான் பரிசீலனை நடக்கிறது.டைரக்ட் டூ மொபைல் (D2M) என்ற தொழில் நுட்பத்தின் மூலம் பயனார்கள் எந்த இடத்தில் இருந்தாலும் டிவி சேனல்களை நேரடியாக பார்க்க முடியும். 

டிடிஎச் (DTH) எனப்படும் டைரக்ட் டூ ஹோம் (Direct To Home) சேவையைப் போல டைரக்ட்-டு-மொபைல் (D2M) சேவை செயல்படும். 

டி2எம் (D2M) மூலம் தொலைதூர பகுதிகள் அல்லது இன்டர்நெட் இல்லாத பகுதிகளில் கூட OTT -யில் வீடியோக்களைப் பார்க்க முடியும். 

D2M சேவை தொடங்கப்பட்ட பிறகு, D2M சப்போர்ட்(support ) கொண்டபுதிய போன்களும் அறிமுகப்படுத்தப்படும்.

D2M சப்போர்ட்டிற்கு அனைத்து மொபைல் பிராண்டுகளும் தங்கள் தொலைபேசிகளில் D2M ஆண்டெனாவை வழங்க வேண்டும். இது DTH செட்டப் பாக்ஸ் போல் செயல்படும். 

இதனால், நாட்டின் எந்த மூலையிலும் அமர்ந்து எந்த வீடியோவையும் செயற்கைக்கோள் உதவியுடன் பார்க்கலாம். இன்டர்நெட் மூலம் அதிக வருவாய் ஈட்டும் தொலைத்தொடர்பு நிறுவனங்கள் இந்தத் தொழில்நுட்பத்தைக் கொண்டுவருவதால் பாதிக்கப்படும் என கூறப்படுகிறது.