இரட்டை இலை சின்னத்தை எங்களுக்கு ஒதுக்கவேண்டும் எடப்பாடி பழனிச்சாமி தரப்பில் உச்சநீதிமன்றத்தில் மனு தாக்கல்
அட்மின் மீடியா
0
ஈரோடு கிழக்கு தொகுதி இடைத்தேர்தலில் இரட்டை இலை சின்னத்தில் போட்டியிட இபிஎஸ் தரப்பு உச்சநீதிமன்றத்தில் மனுதாக்கல் செய்துள்ளது
ஈரோடு கிழக்கு சட்டசபை தொகுதி எம்எல்ஏவாக காங்கிரஸ் கட்சியின் திருமகன் ஈவெரா இருந்தார். இவர் கடந்த 4ம் தேதி காலமானார். இதையடுத்து அந்த தொகுதிக்கு பிப்ரவரி 27 ல் இடைத்தேர்தல் நடைபெற உள்ளது இந்த தேர்தலில் திமுக கூட்டணியில் காங்கிரஸ் கட்சி சார்பில் ஈவிகேஎஸ் இளங்கோவன் வேட்பாளராக போட்டியிடுகிறார்.
அதேபோல் விஜயகாந்தின் தேமுதிக சார்பில் அதன் மாவட்ட செயலாளர் மகேஷ் போட்டியிடுவார் என அறிவிக்கப்பட்டுள்ளது
மேலும் அம்முக சார்பில் ஈரோடு கிழக்கு நகர மாவட்டச் செயலாளர் சிவபிரசாத் குக்கர் சின்னத்தில் போட்டியிடுவார் என்று தினகரன் அறிவித்துள்ளார்
இந்நிலையில் அதே போல அதிமுக இபிஎஸ் தரப்பில் யார் வேட்பாளர் எனவும், ஓபிஎஸ் தரப்பில் யார் வேட்பாளர் எனவும் இதுவரை அறிவிக்கப்படவில்லை
இந்நிலையில் எடப்பாடி பழனிச்சாமி தரப்பு இன்று உச்சநீதிமன்றத்தில் ஒரு முறையீட்டு மனுவை அளித்துள்ளது. அதில் வரும் இடைத்தேர்தலில் நாங்கள் தனியாக வேட்பாளரை நிறுத்த விரும்புகிறோம். அதிமுகவின் சார்பாக நடைபெற்ற பொதுக்கூட்டத்தில் தான் இடைக்கால பொதுச்செயலாளராக தேர்ந்தெடுக்கப்பட்டேன். அதன் பெயரில் நான் கையெழுத்திட்ட விருப்ப மனுவை இந்திய தேர்தல் ஆணையம் ஏற்க மறுக்கிறது.
வரும் ஈரோடு கிழக்கு தொகுதி இடைதேர்தலில் இரட்டை இலை சின்னத்தில் நாங்கள் போட்டியிட அனுமதி வழங்க வேண்டும் என உச்சநீதிமன்ற மனுவில் கோரிக்கை வைத்திருந்தனர்.
இந்த மனுவை திங்கள்கிழமையன்று தாக்கல் செய்ய உச்சநீதிமன்றம் உத்தரவிட்டிருக்கிறது
ஏற்கனவே அதிமுக பொதுக்குழு தொடர்பான வழக்கு உச்சநீதிமன்றத்தில் நிலுவையில் உள்ளது. இந்த வழக்கின் தீர்ப்பு பிப்ரவரி முதல் வாரத்தில்தான் வெளியாக உள்ளது. அதற்கு முன்னதாக ஈரோடு கிழக்கு தொகுதியில் வேட்புமனுத் தாக்கல் செய்தாக வேண்டும். இதனால் உச்சநீதிமன்றத்தில் இன்று இபிஎஸ் தரப்பு முறையிட்டுள்ளது
Tags: அரசியல் செய்திகள்