Breaking News

அதிகரிக்கும் கொரோனா பரவல் - கர்நாடகாவில் முககவசம் கட்டாயம் என அறிவிப்பு

அட்மின் மீடியா
0
கர்நாடகாவில் கடந்த சில நாட்களாக கொரோனா பரவல் அதிகரித்து வரும் நிலையில், பள்ளி கல்லூரிகள் மற்றும் தனியார் நிறுவனங்களில் முகக்கவசம் அணிவதை அம்மாநில அரசு கட்டாயமாக்கி உத்தரவிட்டுள்ளது.
 

 

கொரோனா பரவல் மீண்டும் அதிகரிக்கத் தொடங்கியதை அடுத்து புதிய வழிகாட்டு நெறிமுறைகளை சுகாதாரத்துறை வெளியிட்டுள்ளது.

வணிக வளாகங்கள், உணவகம், பள்ளிக் கல்லூரிகள், பொது போக்குவரத்து, மருத்துவமனை, உள்ளரங்கு நிகழ்வுகள் உள்ளிட்ட அனைத்திலும் மக்கள் முக கவசம் கட்டாயம் அணிய அறிவுறுத்தப்பட்டுள்ளனர்.

இரண்டு டோஸ் தடுப்பூசி செலுத்தியவர்கள், முன்னெச்சரிக்கை டோசை செலுத்திக் கொள்ளுமாறு சுகாதாரத்துறை அமைச்சர் சுதாகர் வலியுறுத்தியுள்ளார். 

பள்ளி, கல்லூரிகள் மற்றும் தனியார் நிறுவனங்களில் முகக்கவசம் அணிவது கட்டாயமாக்கப்பட்டுள்ளது. கதவுகள் மூடிய நிலையில் இயங்கும் வணிக வளாகங்கள், உணவகங்கள், கேளிக்கை விடுதிகள், ஓட்டல்கள், விடுதிகள், தொழில் நிறுவனங்களில் கட்டாயம் முககவசம் அணிய வேண்டும். சொந்த வாகனங்கள் மற்றும் பஸ்-ரெயில்களில் பயணிக்கும்போது கட்டாயம் முககவசம் அணிய வேண்டும். 

கொரோனா பரவல் அதிகமுள்ள இடங்களில் கண்காணிப்பை தீவிரப்படுத்தி, பரிசோதனைகளை அதிகரிக்க வேண்டும். சளி-காய்ச்சல் பாதிப்புக்கு ஆளானவர்கள் மற்றும் பாதிப்பு ஏற்படும் வாய்ப்பு அதிகமாக இருப்பவர்களுக்கு கொரோனா பரிசோதனை செய்ய வேண்டும். 

பரிசோதனை முடிவு வரும் வரை அவர்கள் வீடுகளிலேயே தனிமையில் இருக்க வேண்டும். தகுதியான அனைவரும் பூஸ்டர் தடுப்பூசி போட்டு கொள்ள வேண்டும். இந்த கட்டுப்பாடுகளை பெங்களூரு மாநகராட்சி உள்பட அனைத்து மாவட்ட நிர்வாகங்களும் தீவிரமாக அமல்படுத்த வேண்டும் என தெரிவிக்கப்பட்டுள்ளது.

Tags: இந்திய செய்திகள்

Give Us Your Feedback