இன்று முதல் தமிழ்நாட்டில் டோல்கேட் கட்டண உயர்வு அமலுக்கு வந்தது!!

தமிழ்நாடு முழுவதும் சுங்கச்சாவடி கட்டண உயர்வு அமலுக்கு வந்துள்ளது.

தமிழகத்தில் மட்டும் 49 சுங்கச்சாவடிகளில் 27 சுங்க சாவடிகளில் கட்டணம் உயர்வு இன்று அதிகாலை முதல் அமலுக்கு வந்துள்ளது.

சுங்க சாவடிகளில் ஏப்ரல் 1-ஆம் தேதி முதல் கட்டணம் உயரும் என்று மத்திய அரசின் நெடுஞ்சாலை துறை அமைச்சகம் தெரிவித்து இருந்தது. அதன்படி 460க்கும் மேற்பட்ட சுங்க சாவடிகளில் இன்று முதல் சுங்க கட்டணம் உயர்ந்துள்ளது . 

கார் உள்ளிட்ட இலகுரக வாகனங்களுக்கு ரூபாய் 5 முதல் 10 வரையும் பேருந்து, டிரக்குகளுக்கு ரூ.15ம், 4 முதல் 6 அச்சுகள் கொண்ட வர்த்தக வாகனத்துக்கு ரூ.25ம், கனரக வாகனத்துக்கு ரூ.30ம் விலை உயர்த்தப்பட்டுள்ளது.