பிரதான் மந்திரி சுரக்‌ஷா பீமா யோஜனா, & பிரதான் மந்திரி ஜீவன் ஜோதி பீமா யோஜனா, திட்டத்தின் மூலம் கொரானா மரணங்களுக்கு ரூ.2 லட்சம் இன்சூரன்ஸ் பெறலாமா ?| உண்மை என்ன ?

பிரதான் மந்திரி ஜீவன் ஜோதி பீமா யோஜனா (PMJJBY) : 

இந்திய அரசு சமுக நலன் கருதி பல்வேறு விதமான திட்டங்களை தன் குடிமக்களுக்கு வழங்கி வருகின்றது. அதில் ஒன்று தான் பிரதான் மந்திரி ஜீவன் ஜோதி பீமா யோஜனா திட்டம்.

• இந்த திட்டத்தில் வெறும் 330 ரூபாய் பிரிமீயம் செலுத்தினால் போதுமானது. இந்த திட்டத்திற்கு தானாகவே விண்ணப்பிப்பவர்களின் சேமிப்பு வங்கி கணக்கில் இருந்து ரூ.330 டெபிட் செய்யப்படும். இதன் மூலம் 2 லட்சம் ரூபாய் க்ளைம் செய்து கொள்ள முடியும்.

• இந்த திட்டத்தில் 18 வயது முதல் 50 வயதுள்ளவர்கள் எடுக்க முடியும். இந்த திட்டத்தினை வங்கியில் சேமிப்பு கணக்கு வைத்திருப்பவர்கள் தான் எடுக்க முடியும்

• இத்திட்டம் ஆண்டுதோறும் ஜூன் 1 முதல் மே 31 வரை ஒரு ஆண்டு காலத்திற்கு ரூ.2 லட்சம் கவர் வழங்குகிறது. 

• எந்தவொரு காரணத்தினாலும் ஏற்படும் இறப்புகளுக்கு க்ளைம் செட்டில் செய்யப்படும் 

• இதில், கோவிட்-18 இறப்புகளும் சேர்க்கப்பட்டுள்ளன. 

• 18-55 வயதுக்கு இடையில் வங்கி கணக்கு வைத்திருக்கும் யாரும் விண்ணப்பிக்கலாம்.

• 55 வயதிற்கு மேற்பட்டவராக இருந்து கோவிட்-19 ஆல் இறந்தால் இந்த திட்டம் பயனளிக்காது. 

• இந்த திட்டத்தின் கீழ் இழப்பீடு கோரும் மக்கள் தங்கள் க்ளைமை அந்தந்த வங்கிகளில் 30 நாட்களுக்குள் தாக்கல் செய்ய வேண்டும்.

விண்ணப்பிக்க தேவையான ஆவணங்கள்:

இறப்பு சான்று, 

மருத்துவமனை ரசீது, 

போட்டோ, 

நாமினியின் வங்கிக் கணக்கு 

இன்சூரன்ஸ் நிறுவனம் உங்களது ஆவணங்களை சரிபார்த்து, 30 நாட்களுக்குள் உங்களுக்கு க்ளைம் செய்து கொடுக்கும். 

மேலும் விவரங்களுக்கு மத்திய அரசின் அறிப்பை படிக்க:

https://jansuraksha.gov.in/Files/PMJJBY/English/About-PMJJBY.pdf

பிரதான் மந்திரி சுரக்சா பீமா யோஜனா (PMSBY) : 

• இது ஒரு டெர்ம் இன்ஸ்சுரன்ஸ் பாலிசி ஆகும். இது விபத்து காரணமாக ஏற்படும் இறப்பு அல்லது உடல் ஊனத்திற்கு எதிராக வழங்கப்படும் ஒரு காப்பீடு திட்டம் ஆகும். 

• இந்தத் திட்டம் 18 முதல் 70 வயது வரை உள்ள தனிநபர்களுக்கு வழங்கப்படுகின்றது. 

• இந்த காப்பீடு திட்டத்தின் கீழ் தனி நபர் இறப்பிற்கு ரூ 2 லட்சமும், உடல் ஊனத்திற்கு ரூ 1 லட்சமும் இழப்பீடாக வழங்கப்படுகின்றது.

• காப்பிடு தொகை ரூ 12 ஆனது மே 31 ம் தேதிக்கு முன்னர், உங்கள் வங்கி கணக்கிலிருந்து தானாகவே காப்பீடு திட்டத்திற்கு செலுத்தப்படும். 

• இந்த திட்டத்தின் கீழ் கோவிட்-19 உயிரிழப்புகள் விபத்து மரணங்களாக கருதப்படவில்லை. 

• ஆகையால், இத்திட்டத்தின் கீழ் கோவிட்-19 இறப்புகளுக்கு இன்சூரன்ஸ் பெற முடியாது.

மேலும் விவரங்களுக்கு மத்திய அரசின் அறிப்பை படிக்க:

https://jansuraksha.gov.in/Files/PMSBY/English/About-PMSBY.pdf