எண்ணெய் குளியல்

*மறந்து விட்ட ஒன்று*

அட்மின்மீடியா

 ​பிஸ்மில்லாஹிர் ரஹ்மானீர் ரஹீம்​.

 *எண்ணெய் குளியல்*

 அரக்கப்பறக்கக் குளித்துவிட்டு ஆபீஸை நோக்கிப் பயணிக்கும் நாம்,

 *வாரத்தில் ஒருநாள்   எண்ணெய் தேய்த்துக் குளிக்க வேண்டும் என்று நம் முன்னோர்கள் சொன்னதை மறந்துவிட்டோம்*

 _அதனால் எண்ணெய் தேய்த்துக் குளித்தல் என்ற நம் பாரம்பரியக் குளியல் முறையே இன்று முற்றிலும் காணமல்போய்விட்டது_.

 *நமது உடலுக்கு எண்ணெய் சத்து என்பதும் அவசியமானது*.

 _முடி மற்றும் சருமம் இரண்டுக்கும் இயல்பிலேயே மிதமான கொழுப்பு மற்றும் எண்ணெய் சுரக்கும் தன்மை இருக்கிறது_.

 _இந்த இரண்டுமே நம் சருமத்தையும் முடியையும் பாதுகாக்கும் ஆற்றலைப் பெற்றிருக்கின்றன_.

 _*வாரம் ஒருமுறை எண்ணெய் தேய்த்துக் குளிப்பதைக் கட்டாயம் செய்வது நம் உடல் ஆரோக்கியத்தை வளப்படுத்த பெரிதும் உதவியாக இருக்கும்*_.

 பொதுவாகவே, நம் உடலின் வெப்பத்தன்மை அதிகரிப்பதால் பல்வேறு விதமான பிரச்னைகள் ஏற்படுகின்றன.

 குறிப்பாக, வெயில் காலங்களில் வேனல் கட்டிகள், வியர்க்குரு போன்றவை அதிகம் ஏற்படுகின்றன.

 *எண்ணெய் தேய்த்துக் குளிப்பதால், இதுபோன்ற பிரச்னைகள் ஏற்படுவதைத் தவிர்க்க முடியும்.*
                                  
 _*எண்ணெய் குளியலுக்கு நல்லெண்ணெய்தான் உகந்தது*_.  

 நல்லெண்ணெயை மிதமான சூட்டில் சூடுபடுத்தி,

முதலில் தலையின் உச்சியில் சூடுபறக்கத் தேய்க்க வேண்டும்.

பிறகு, உடலின் ஒவ்வொரு பாகத்திலும் மெள்ள மெள்ள தேய்த்துவிட வேண்டும்.

பின் வெதுவெதுப்பான நீரில் சீகக்காய் போட்டு குளித்தால் நல்லது.

 *வறண்ட தோல் உள்ளவர்களுக்கு எண்ணெய் குளியல் ஓர் வரப்பிரசாதம்.*

 *உடல் முழுவதும் எண்ணெயை விட்டு நன்றாக அழுத்தித் தேய்த்தால், வியர்வையின் காரணமாக தோலில் ஏற்பட்டு உள்ள அழுக்குகளும் அடைப்புகளும் நீங்கிவிடும்*.

 உடல் சூடு குறைந்து, மனம் புத்துணர்வைப் பெறும்.