இன்றைய 27.01.2026 முக்கிய செய்திகளின் தொகுப்பு இதோ News Headlines Today

News Headlines Today இன்று 27.01.2026 செவ்வாய்கிழமை இன்றைய நாளின் முக்கிய செய்திகளின் தொகுப்பு இதோ News Headlines Today

📢 தமிழக செய்திகள்:-

‘ஜனநாயகன்' படத்திற்கு தணிக்கைச் சான்று வழங்கக் கோரி தயாரிப்பு நிறுவனம் தொடர்ந்த வழக்கில் இன்று காலை 10.30 மணிக்கு தீர்ப்பு வழங்குகிறது சென்னை உயர்நீதிமன்றம்.

தணிக்கை சான்று வழங்க வேண்டும் என்ற தனி நீதிபதியின் தீர்ப்புக்கு எதிராக சிபிஎஃப்சி தாக்கல் செய்த மேல்முறையீட்டு மனு மீது விசாரணை முடிந்து கடந்த 20ம் தேதி தீர்ப்பு ஒத்திவைப்பு.

திருவாரூர் ராஜகோபாலசுவாமி கோவில் குடமுழுக்கை முன்னிட்டு, ஜனவரி 28-ம் தேதி திருவாரூர் மாவட்டத்திற்கு உள்ளூர் விடுமுறை அறிவிக்கப்பட்டுள்ளது. 

வாரத்தில் 5 நாட்கள் வேலை முறையை அமல்படுத்தக் கோரி வங்கி ஊழியர்கள் இன்று வேலை நிறுத்தம். நாடு முழுவதும் 8 லட்சம் ஊழியர்கள் பணியை புறக்கணிக்கின்றனர்.

கல்வி கட்டணம்: தனியார் பள்ளிகளின் கட்டணத்தை முறைப்படுத்த தமிழக அரசு புதிய சட்டத் திருத்தத்தை அமல்படுத்தியுள்ளது. 

தமிழகத்தின் சிறந்த காவல் நிலையங்களுக்கான முதலமைச்சரின் கோப்பையை மதுரை மாநகரம் (முதலிடம்), திருப்பூர் மாநகரம் (இரண்டாமிடம்) மற்றும் கோயம்புத்தூர் மாவட்டம் (மூன்றாமிடம்) வென்றுள்ளன. 

கோட்டை அமீர் விருது: வகுப்புவாத நல்லிணக்கத்திற்காக வழங்கப்படும் கோட்டை அமீர் விருது இந்த ஆண்டு கலிபுல்லா என்பவருக்கு வழங்கப்பட்டது.

சிவகாசியில் தனியார் கல்லூரி மாணவி ஒருவர் தற்கொலை செய்துகொண்ட விவகாரத்தில், சக மாணவி மற்றும் கல்லூரி ஊழியர் மீது திடுக்கிடும் புகார்கள் எழுந்துள்ளன. இது தொடர்பாகப் போராட்டம் வெடித்துள்ளது.

சபரிமலை தங்கம் மோசடி: சபரிமலை தங்கம் திருட்டு வழக்கில் அமலாக்கத்துறை (ED) விசாரணையைத் தீவிரப்படுத்தியுள்ளது. சென்னையில் பல இடங்களில் சோதனைகள் நடைபெற்று வருகின்றன.

பெரம்பலூர் அருகே போலீஸ் வாகனம் மீது வெடிகுண்டு வீசி தாக்குதல் நடத்திய ரவுடி அழகுராஜ் என்கவுன்ட்டரில் உயிரிழப்பு. கடந்த 24ம் தேதி ரவுடி வெள்ளைக்காளியை நீதிமன்றத்தில் ஆஜர்படுத்தி அழைத்துச் சென்றபோது வெடிகுண்டு வீசி அவரை கொலை செய்ய முயன்றார். கைதான அழகுராஜ் போலீசாரை தாக்கி தப்ப முயன்றபோது சுடப்பட்டார். ஒரு போலீஸ்க்கு அரிவாள் வெட்டுக் காயம்.

தொல்லியல் கண்டுபிடிப்பு: தென்காசி அருகே திருமலாபுரத்தில் சுமார் 8 அடி நீளமுள்ள இரும்புக்கால ஈட்டி கண்டெடுக்கப்பட்டுள்ளது. இது இந்தியாவின் மிக நீளமான ஈட்டியாகக் கருதப்படுகிறது.

வங்கி வேலைநிறுத்தம்: நாடு முழுவதும் வங்கி ஊழியர்கள் இன்று வேலைநிறுத்தத்தில் ஈடுபட்டுள்ளதால், தமிழகத்தில் பொதுத்துறை வங்கிச் சேவைகள் பாதிக்கப்பட்டுள்ளன.5 நாள் வேலை வாரம்: இந்த வேலைநிறுத்தத்தின் முக்கிய கோரிக்கையே 5 நாள் வேலை வாரத்தை உடனடியாக அமல்படுத்த வேண்டும் என்பதுதான்.ஏடிஎம் சேவை: வங்கி கிளைகள் மூடப்பட்டிருந்தாலும், இணைய வங்கி மற்றும் பிபிஐ (UPI) சேவைகள் தடையின்றி இயங்கும் என அறிவிக்கப்பட்டுள்ளது.

சென்னையில் பராமரிப்பு பணி காரணமாக அடையார், இந்திரா நகர், கஸ்தூரிபாய் நகர் உள்ளிட்ட பகுதிகளில் இன்று மதியம் 2 மணி வரை மின் விநியோகம் நிறுத்தப்பட்டுள்ளது.

✍🏻இந்திய செய்திகள்

மகாராஷ்டிராவில் குடியரசு தின விழாவில் அம்பேத்கர் பெயரை குறிப்பிடாத பாஜக அமைச்சர். அமைச்சரை நிறுத்தி சரமாரியாக கேள்வி எழுப்பிய பெண் காவலரால் பரபரப்பு.

மும்பை மெட்ரோ ரயிலில் நடிகர் வருண் தவான் உடற்பயிற்சி செய்த விவகாரம். வருணுக்கு மும்பை மெட்ரோ ரயில் நிர்வாகம் கண்டனம்.

🏛️அரசியல் செய்திகள்

தீய சக்திகளும் ஊழல் சக்திகளும் தமிழகத்தை ஆளக்கூடாது" எனத் தமிழக வெற்றிக் கழகத் தலைவர் விஜய் மீண்டும் தனது நிலைப்பாட்டைத் தெரிவித்துள்ளார்.

தஞ்சை மாநாடு: தஞ்சாவூர் செங்கிப்பட்டியில் திமுக சார்பில் "வெல்லும் தமிழ்ப் பெண்கள்" மாநாடு நடைபெற்றது. இதில் முதலமைச்சர் மு.க.ஸ்டாலின் மற்றும் கனிமொழி எம்.பி. பங்கேற்றனர். 

வரும் சட்டப்பேரவைத் தேர்தலில் தான் போட்டியிடப் போவதில்லை என டிடிவி தினகரன் அதிரடியாக அறிவித்துள்ளார்.

2026 தேர்தல், என்டிஏ Vs தமிழ்நாடுதான் என முதலமைச்சர் ஸ்டாலின் திட்டவட்டம். பிளாக் மெயில் கூட்டணியை பாஜக உருவாக்கி இருப்பதாக விமர்சனம்

தஞ்சாவூர் செங்கிப்பட்டியில் நடந்த பொதுக்கூட்டத்தில், முன்னாள் அதிமுக அமைச்சர் ஆர். வைத்திலிங்கம் தலைமையில் சுமார் 10,000 பேர் முதலமைச்சர் மு.க.ஸ்டாலின் முன்னிலையில் திமுகவில் இணைந்தனர்.

குடியரசு தினத்தை முன்னிட்டு ஆளுநர் ஆர்.என்.ரவி அளித்த தேநீர் விருந்தை தமிழக அமைச்சர்கள் மற்றும் திமுக கூட்டணி கட்சிகள் அதிகாரப்பூர்வமாகப் புறக்கணித்தன.

தூத்துக்குடியில் செய்தியாளர்களிடம் பேசிய கனிமொழி, "பிரதமர் மோடி ஒரு தேர்தல் சீசன் பறவை போன்றவர்; தேர்தலுக்காக மட்டுமே தமிழகம் வருவார்" என எடப்பாடி பழனிசாமிக்கு எச்சரிக்கை விடுத்துள்ளார்.

தேமுதிக கூட்டணி: 2026 சட்டமன்றத் தேர்தலில் தேமுதிக யாருடன் கூட்டணி அமைக்கும் என்பது குறித்த பேச்சுவார்த்தைகள் தீவிரமடைந்துள்ளன.

விருதுநகர் மாவட்டத்தில் எந்த தொகுதியில் நின்றாலும் வெற்றிபெறுவேன். கூட்டணி உறுதியாகாத நிலையில் விஜய பிரபாகரன் பேச்சு

🌍உலக செய்திகள்

ஆஸி., கிரிக்கெட் ஜாம்பவான் டான் பிராட்மேன் இந்தியாவுக்கு எதிரான போட்டியில் பயன்படுத்திய தொப்பி ரூ.4.2 கோடிக்கு ஏலம் போயுள்ளது. 1947-48 தொடரில் பயன்படுத்தி, இந்திய வீரர் ரங்க சஹோனிக்கு நினைவுப் பரிசாக பிராட்மேன் வழங்கிய இந்த தொப்பியை சஹோனி குடும்பத்தினர் ஆஸ்திரேலியாவில் ஏலம் விட்டுள்ளனர்

அமெரிக்கா - ஈரான் பதற்றம்: ஈரானை ஒட்டிய கடல் பகுதிகளில் அமெரிக்காவின் USS ஆபிரகாம் லிங்கன் விமானம் தாங்கிப் போர்க்கப்பல் நிலைநிறுத்தப்பட்டுள்ளது. "தாக்குதல் நடத்த வேண்டாம்" என ஈரான் தனது தலைநகர் தெஹ்ரானில் பிரம்மாண்ட சுவரொட்டிகள் மூலம் அமெரிக்காவிற்கு எச்சரிக்கை விடுத்துள்ளது.

பாகிஸ்தானுக்குப் பின்னடைவு: ஐக்கிய அரபு அமீரக (UAE) அதிபர் ஷேக் முகமது நஹ்யான் சமீபத்தில் இந்தியா வந்து சென்றதைத் தொடர்ந்து, பாகிஸ்தானின் இஸ்லாமாபாத் விமான நிலைய ஒப்பந்தத்திலிருந்து அமீரகம் அதிரடியாக விலகியுள்ளது. இது பாகிஸ்தான் பொருளாதாரத்திற்குப் பெரும் அடியாகக் கருதப்படுகிறது.

இந்தியா - ஐரோப்பிய யூனியன் ஒப்பந்தம்: நீண்ட காலமாகக் காத்திருந்த சுதந்திர வர்த்தக ஒப்பந்தம் (FTA) இந்தியா மற்றும் ஐரோப்பிய யூனியன் இடையே வெற்றிகரமாக எட்டப்பட்டுள்ளது. இது உலகளாவிய வர்த்தகத்தில் முக்கிய மைல்கல்லாகப் பார்க்கப்படுகிறது.

அமெரிக்காவில் பனிப்புயல்: அமெரிக்காவின் மெய்னே (Maine) மாகாணத்தில் நிலவும் கடும் பனிப்புயல் காரணமாக அவசரநிலை பிரகடனப்படுத்தப்பட்டுள்ளது. அங்கு ஒரு தனியார் ஜெட் விமானம் விபத்துக்குள்ளானதில் 8 பேர் வரை பாதிக்கப்பட்டதாகத் தகவல்.

75 நாடுகளுக்குத் தடை: டொனால்ட் டிரம்ப் தலைமையிலான அமெரிக்க நிர்வாகம், சுமார் 75 நாடுகளைச் சேர்ந்தவர்களுக்கு குடியேற்ற விசா (Immigrant Visa) வழங்குவதை காலவரையின்றி நிறுத்தி வைத்துள்ளது.

கனடாவுக்கு எச்சரிக்கை: சீனாவுடன் நெருக்கம் காட்டும் கனடா மீது 100% இறக்குமதி வரி விதிக்கப்படும் என டிரம்ப் எச்சரிக்கை விடுத்துள்ளார்.

அமெரிக்க நகரங்களில் அதிகரித்து வரும் வன்முறை குறித்து முன்னாள் அதிபர் பில் கிளிண்டன் கவலை தெரிவித்துள்ளார்.

இலங்கை - இந்தியா உறவு: பொருளாதார மீட்சி மற்றும் எரிசக்தித் துறையில் இந்தியாவுடன் இணைந்து செயல்படுவதாக இலங்கை பிரதமர் தெரிவித்துள்ளார்.

வங்கதேசத்தில் பதற்றம்: வங்கதேசத்தில் சிறுபான்மையினர் (இந்துக்கள்) மீதான தாக்குதல்கள் தொடர்வதாகவும், 23 வயது இளைஞர் ஒருவர் கொடூரமாகக் கொல்லப்பட்டதாகவும் செய்திகள் தெரிவிக்கின்றன.

சீனா - இந்தியா: இந்தியாவின் 77-வது குடியரசு தினத்திற்குச் சீன அதிபர் ஷி ஜின்பிங் வாழ்த்துத் தெரிவித்துள்ளார். இந்தியாவும் சீனாவும் நண்பர்கள் என்று அவர் குறிப்பிட்டுள்ளார்.

வெனிசுலா அதிபரை டொனால்ட் டிரம்ப் பகிரங்கமாக எச்சரித்துள்ளதாகவும், அவர் பதவி விலக 15 நிமிடம் மட்டுமே அவகாசம் அளித்ததாகவும் தகவல்கள் பரவி வருகின்றன. அமெரிக்க ராணுவம் வெனிசுலாவைச் சுற்றியுள்ள பகுதிகளில் தனது பிடியை இறுக்கியுள்ளது.

ஈரான் தலைவர் தலைமறைவு: அமெரிக்காவின் தாக்குதலுக்குப் பயந்து ஈரான் தலைவர் கமேனி சுரங்கத்திற்குள் பதுங்கியிருப்பதாகச் செய்திகள் வெளியாகியுள்ளன. இதற்கிடையில், அமெரிக்கப் போர்க்கப்பல்கள் ஈரானைச் சுற்றி வளைத்துள்ளன.

காசா தாக்குதல்: காசாவில் மனிதாபிமான உதவிகளுக்காகக் காத்திருந்த மக்கள் மீது நடத்தப்பட்ட தாக்குதலில் 20-க்கும் மேற்பட்டோர் உயிரிழந்துள்ளனர்.

🏏 விளையாட்டு செய்திகள்

WPL: பெங்களூருக்கு எதிரான நேற்றைய போட்டியில் 15 ரன்கள் வித்தியாசத்தில் வெற்றி பெற்றது மும்பை இந்தியன்ஸ். 10 புள்ளிகளுடன் RCB முதலிடத்திலும், 6 புள்ளிகளுடன் MI 2வது இடத்திலும் உள்ளன.

🌦️ வானிலை செய்திகள்