ரூ. 20 லட்சத்துக்கு மேல் டெபாசிட் செய்தால் ஆதார், பான் விவரங்கள் கட்டாயம் என மத்திய அரசு

 ஆண்டுக்கு ரூ. 20 லட்சத்துக்கு மேல் டெபாசிட் செய்தால், ஆதார், பான் விவரங்கள் கட்டாயம் என மத்திய அரசு அறிவித்து உள்ளது. 

மத்திய நேரடி வரிகள் வாரியம் (CBDT) அமைத்த புதிய விதிகள் மற்றும் விதிமுறைகளின்படி, ஆண்டுக்கு ₹ 20 லட்சத்துக்கு மேல் டெபாசிட் செய்ய விரும்பும் தனிநபர்கள் பான் விவரங்களையும் ஆதார் அட்டையையும் கட்டாயமாக சமர்ப்பிக்க வேண்டும் என அறிவுறுத்தப்பட்டு உள்ளது.

நிதி மோசடி, சட்டவிரோத பணப் பரிவர்த்தனைகள் மற்றும் பிற பணக் குற்றங்களை குறைக்க வருமான வரித் துறை, மற்ற மத்திய அரசுத் துறைகளுடன் இணைந்து கடந்த சில ஆண்டுகளாக விதிகளைப் புதுப்பித்து, திருத்தம் செய்து வருகிறது.

வங்கிகளில் ரூ.50 ஆயிரத்துக்கு மேல் பணம் டெபாசிட் செய்தால் ‘பான்கார்டு’ கட்டாயமாக இருந்து வருகிறது. அதேநேரம் ஆண்டுக்கு உச்சவரம்பு எதுவும் நிர்ணயிக்கப்பட வில்லை. ஆனால் இப்போது புதிய விதிமுறை கொண்டு வரப்பட்டுள்ளது. 

புதிய விதிகளின்படி ஒருஆண்டில் பல வங்கிகளில் பணம் எடுப்பது மற்றும் பெரிய தொகைகளை டெபாசிட் செய்வது ஆகியவை கண்காணிக்கக்கூடிய விவரங்களை உருவாக்க பான் மற்றும் ஆதார் விவரங்களைப் பின்பற்ற வேண்டும் என தெரிவிக்கப்பட்டு உள்ளது. 

புதிய விதிமுறையின் படி வங்கிகளில் ஒரே நேரத்திலோ அல்லது பல முறையோ, ஒரே வங்கியிலோ அல்லது பல வங்கிகளிலோ ஒரே கணக்கில் ரூ.20 லட்சத்துக்கு மேல் பணம் பரிவர்த்தனை செய்வது கண்காணிக்கப்படும்.