திருமண வரவேற்ப்பு நிகழ்ச்சியில் நடனமாடி கொண்டிருந்தபோதே சரிந்து உயிரிழந்த இளம் பெண் வைரல் வீடியோ

ராஜஸ்தானின் மோர்சீம் கிராமத்தில் திங்கள்கிழமை இரவு ஒரு திருமண விழாவில் நடனமாடிக் கொண்டிருந்தபோது மயங்கி விழுந்த 22 வயதுப் பெண் ஒருவர் உயிரிழந்தார். 

நான்கு மாதங்களுக்கு முன்பு திருமணம் ஆன அந்தப் பெண்,  உறவினர்களின் திருமணத்தில் கலந்துகொள்ள வந்திருந்தார். 

ராஜஸ்தானில் உள்ள பகோடா நகரின் மோர்சீம் கிராமத்தில் நடைபெற்ற திருமண விழாவின்போது, ​​22 வயதான பெண் ஒருவர் நடனமாடிக் கொண்டிருந்த வேளையில் சரிந்து விழுந்து உயிரிழந்ததால், அந்த விழா சோகத்தில் முடிந்தது.

திங்கள்கிழமை இரவு 'பிந்தோரி' நிகழ்ச்சியின் போது, ​​மும்பையைச் சேர்ந்த தொழிலதிபர் ஒருவரின் மனைவியான தீபு, தனது குடும்ப உறுப்பினர்களுடன் ராஜஸ்தானி பாடல்களுக்கு நடனமாடிக் கொண்டிருந்தபோது திடீரென நடனத் சரிந்து விழுந்துள்ளார்.

குடும்பத்தினர் உடனடியாக அவரை மோர்சீம் கிராமத்தில் உள்ள அரசு மருத்துவமனைக்குக் கொண்டு சென்றனர், அங்கு மருத்துவர்கள் அவர் இறந்துவிட்டதாக அறிவித்தனர். 

இறந்த அந்த பெண்ணுக்கு நான்கு மாதங்களுக்கு முன்புதான் திருமணம் நடந்திருந்தது. திருமணத்திற்குப் பிறகு ஒரு குடும்ப விழாவில் கலந்துகொள்ள அவர் வந்தது இதுவே முதல் முறை. அவரது தங்கை மற்றும் பெற்றோரும் அவருடன் அந்த விழாவிற்கு வந்திருந்தனர்.

அவரது மரணத்தைத் தொடர்ந்து, குடும்பத்தினர் பிரேதப் பரிசோதனை நடத்த மறுத்துவிட்டனர். அதனைத் தொடர்ந்து, காவல்துறை இறுதிச் சடங்குகளுக்காக உடலை உறவினர்களிடம் ஒப்படைத்தது. இந்தச் சம்பவம் தொடர்பான காணொளி ஒன்று செவ்வாய்க்கிழமை வெளியாகி, இணையத்தில் பரவலான கவனத்தை ஈர்த்தது.

வீடியோ பார்க்க இங்கு கிளிக் செய்யவும்:-

https://x.com/upuknews1/status/2049428830822293589