இன்றைய 30.01.2026 முக்கிய செய்திகளின் தொகுப்பு இதோ News Headlines Today

இன்றைய 30.01.2026 முக்கிய செய்திகளின் தொகுப்பு இதோ News Headlines Today 

இன்று 30.01.2026 வெள்ளிக்கிழமை இன்றைய நாளின் முக்கிய செய்திகளின் தொகுப்பு இதோ News Headlines Today

📢 தமிழக செய்திகள்:-

வாக்காளர் பட்டியல் திருத்தம் (SIR): தமிழகத்தில் வாக்காளர் பட்டியலில் பெயர் விடுபட்டவர்கள் மற்றும் பிழைகளைச் சரிசெய்ய விண்ணப்பிக்க உச்ச நீதிமன்றம் மேலும் 10 நாட்கள் அவகாசம் வழங்கியுள்ளது.

2026 சட்டமன்றத் தேர்தல் களம்: தமிழக முதல்வர் மு.க. ஸ்டாலின், வரவிருக்கும் தேர்தலை "ஆரிய-திராவிடப் போர்" என வர்ணித்துப் பிரச்சாரத்தைத் தீவிரப்படுத்தியுள்ளார்.

தமிழ்நாடு உச்சிமாநாடு: சென்னையில் இன்று நடைபெறும் இந்த மாநாட்டில் முதல்வர் ஸ்டாலின், எதிர்க்கட்சித் தலைவர் எடப்பாடி பழனிசாமி மற்றும் உதயநிதி ஸ்டாலின் உள்ளிட்ட முக்கியத் தலைவர்கள் பங்கேற்கின்றனர்.

அதிமுக - ஓபிஎஸ் விவகாரம்: அதிமுகவில் ஓ. பன்னீர்செல்வத்தை மீண்டும் இணைக்க வாய்ப்பே இல்லை என எடப்பாடி பழனிசாமி திட்டவட்டமாகத் தெரிவித்துள்ளார். 

தங்கம் விலை உயர்வு: சென்னையில் தங்கம் விலை வரலாறு காணாத உச்சத்தைத் தொட்டுள்ளது. ஒரே நாளில் சவரனுக்கு ரூ. 9,520 உயர்ந்து, ஒரு சவரன் ரூ. 1,34,400-க்கு விற்பனை செய்யப்படுகிறது.

தமிழக சட்டமன்றத் தேர்தல் 2026: தமிழக வெற்றிக் கழகத்தின் (TVK) தேர்தல் அறிக்கைக் குழு, மக்களிடம் கருத்து கேட்க மாநிலம் தழுவிய சுற்றுப்பயணத்தைத் தொடங்கியுள்ளது. பிப்ரவரி 2-ம் தேதி த.வெ.க-வின் 3-ம் ஆண்டு தொடக்க விழாவை விஜய் தலைமையில் சிறப்பாகக் கொண்டாட ஏற்பாடுகள் நடந்து வருகின்றன.

பிராட்வே புதிய பேருந்து நிலையம்: சென்னையில் ரூ. 822.70 கோடி மதிப்பீட்டில் அதிநவீன வசதிகளுடன் அமையவுள்ள பிராட்வே பேருந்து நிலையத்திற்கு முதல்வர் மு.க. ஸ்டாலின் அடிக்கல் நாட்டினார்.

மகளிர் உரிமைத் தொகை: இரண்டாம் கட்ட மகளிர் உரிமைத் தொகை வழங்கும் திட்டம் நாளை முதல் தொடங்கப்பட உள்ளதாக அரசு அறிவித்துள்ளது.

நந்தனம் கல்லூரி விவகாரம்: சென்னை நந்தனம் அரசு கல்லூரியில் மாணவி ஒருவருக்கு நேர்ந்த பாலியல் வன்கொடுமை தொடர்பாக கேன்டீன் ஊழியர் உட்பட 3 பேர் கைது செய்யப்பட்டுள்ளனர். இதற்கு அரசியல் தலைவர்கள் கடும் கண்டனம் தெரிவித்து வருகின்றனர்.

மதுரை விமான நிலையம்: மதுரை விமான நிலையம் விரைவில் 24 மணி நேரமும் இயங்கும் வகையில் தரம் உயர்த்தப்படும் என்று மத்திய சிவில் விமான போக்குவரத்துத் துறை அமைச்சர் மக்களவையில் உறுதி அளித்துள்ளார்.

கோயம்புத்தூர் நொய்யல் ஆறு: நொய்யல் ஆற்றின் கரைகளை மேம்படுத்தவும், பூங்காக்கள் அமைக்கவும் தமிழக அரசு ரூ. 202.5 கோடி நிதி ஒதுக்கீடு செய்துள்ளது.

தைப்பூசம் 2026: தைப்பூசத் திருவிழாவை முன்னிட்டு விழுப்புரம் மற்றும் விருத்தாசலத்திலிருந்து கடலூருக்குச் சிறப்பு ரயில்கள் இயக்கப்படுகின்றன. பழனி, வடலூர் போன்ற இடங்களில் லட்சக்கணக்கான பக்தர்கள் குவிந்து வருகின்றனர்.

நில அதிர்வு: விருதுநகர், தூத்துக்குடி, தென்காசி மாவட்டங்களின் சில பகுதிகளில் திடீர் நிலநடுக்கம். அச்சமடைந்த பொதுமக்கள், வீடுகளை விட்டு வெளியேறி தெருக்களில் தஞ்சம்.

விசைத்தறி மானியம்: தமிழகத்தில் விசைத்தறி மற்றும் பின்னலாடை இயந்திரங்கள் வாங்க 20% மூலதன மானியம் வழங்கப்படும் என முதல்வர் ஸ்டாலின் அறிவித்துள்ளார்.

பட்ஜெட் தயாரிப்பு: தமிழக சட்டமன்றத்தின் இடைக்கால பட்ஜெட் பிப்ரவரி இரண்டாவது வாரத்தில் தாக்கல் செய்யப்பட வாய்ப்புள்ளதாகத் தகவல்.

திருச்சி - காரைக்குடி சாலை: திருச்சி முதல் காரைக்குடி வரையிலான தேசிய நெடுஞ்சாலையை 4 வழிச்சாலையாக மாற்ற மத்திய திட்டக்குழு ஒப்புதல் அளித்துள்ளது.

உலமாக்கள் பென்ஷன் உயர்வு: உலமாக்களுக்கான ஓய்வூதியம் ரூ. 5,000 ஆகவும், குடும்ப ஓய்வூதியம் ரூ. 2,500 ஆகவும் உயர்த்தப்படுவதாக அரசு அறிவித்துள்ளது.

கோவை வக்ஃபு தீர்ப்பாயம்: கோவையில் கூடுதல் வக்ஃபு தீர்ப்பாயம் (Waqf Tribunal) அமைக்கப்படும் என முதல்வர் உறுதியளித்துள்ளார்.

பரந்தூர் விமான நிலையம்: பரந்தூர் விமான நிலைய நிலப்பரப்பில் 26% நீர்நிலைகள் இருப்பதாக ஆய்வில் தகவல் வெளியாகியுள்ளது.

யுஜிசி விதிகளுக்கு வரவேற்பு: பல்கலைக்கழக நிதி நல்கைக் குழுவின் (UGC) புதிய விதிகளை முதல்வர் ஸ்டாலின் வரவேற்றுள்ளார்.

நெல் கொள்முதல்: திருச்சியில் 91-வது தற்காலிக நெல் கொள்முதல் நிலையத்தை அமைச்சர் அன்பில் மகேஷ் பொய்யாமொழி திறந்து வைத்தார்.

கோவை நொய்யல் ஆறு: நொய்யல் ஆற்றின் கரைகளை மேம்படுத்த கோவை மாநகராட்சிக்கு ரூ. 202.5 கோடி நிதி ஒதுக்கீடு செய்யப்பட்டுள்ளது.

சென்னை மெட்ரோ: சென்னை MRTS - மெட்ரோ இணைப்புப் பணிகளுக்காக நிலம் கையகப்படுத்தும் பணியில் புதிய முன்னேற்றம் ஏற்பட்டுள்ளது.

மின்தடை அறிவிப்பு: பராமரிப்புப் பணி காரணமாக இன்று சென்னையின் பல பகுதிகளில் (வேளச்சேரி, அண்ணா நகர் உட்பட) மின் விநியோகம் நிறுத்தப்பட்டுள்ளது.

திருவள்ளூர் மாவட்ட ஆட்சியர்: இன்று திருவள்ளூர் மாவட்ட ஆட்சியர் அலுவலகத்தில் விவசாயிகள் குறைதீர்க்கும் நாள் கூட்டம் நடைபெறுகிறது.

பீகார் தொழிலாளி கொலை: சென்னையில் பீகார் தொழிலாளி குடும்பம் கொல்லப்பட்ட விவகாரத்தில் வதந்திகளைப் பரப்ப வேண்டாம் என தமிழக அரசு எச்சரித்துள்ளது.

நடிகர்கள் சூர்யா, விஜய் சேதுபதி, கார்த்தி, தனுஷ் உள்ளிட்டோருக்கு தமிழ்நாடு அரசின் திரைப்பட விருதுகள். நயன்தாரா, கீர்த்தி சுரேஷ், ஜோதிகா, சாய் பல்லவி, அபர்ணா பாலமுரளி உள்ளிட்டோரும் விருதுக்கு தேர்வு.

✍🏻இந்திய செய்திகள்

மத்திய பட்ஜெட் 2026: பிப்ரவரி 1-ம் தேதி தாக்கல் செய்யப்படவுள்ள பட்ஜெட் கூட்டத்தொடரில் ஆக்கப்பூர்வமான விவாதங்களுக்குத் தயார் என பிரதமர் மோடி அறிவித்துள்ளார்.

நாடாளுமன்றத்தில் பொருளாதார ஆய்வறிக்கையை தாக்கல் செய்தார் நிதியமைச்சர் நிர்மலா சீதாராமன். வரும் நிதியாண்டில் பொருளாதார வளர்ச்சி 7.4 சதவீதமாக இருக்கும் என கணிப்பு.

இந்தியா-ஐரோப்பிய ஒன்றிய ஒப்பந்தம்: இரு தரப்புக்கும் இடையிலான புதிய வர்த்தக ஒப்பந்தம் குறித்து அமெரிக்கா அதிருப்தி 

தேசிய புலனாய்வு முகமை (NIA): பி.எஃப்.ஐ (PFI) வழக்கில் கேரளாவின் பல இடங்களில் என்.ஐ.ஏ அதிகாரிகள் இன்று அதிரடி சோதனை நடத்தினர்.

பிஎன்பி (PNB) எச்சரிக்கை: தங்க முதலீட்டுப் பத்திரங்களில் (Sovereign Gold Bonds) முதலீடு செய்தவர்கள் கேஒய்சி (KYC) அப்டேட்களை முடிக்க பஞ்சாப் நேஷனல் வங்கி அறிவுறுத்தியுள்ளது.

கேரளா பட்ஜெட்: இந்தியாவின் முதல் முறையாக முதியோர்களுக்கென தனிப் பட்ஜெட்டை (Elderly Budget) கேரள அரசு தாக்கல் செய்துள்ளது.

டெல்லியில் முப்படை வீரர்களின் மிடுக்கான அணிவகுப்புடன் பாசறை திரும்பும் நிகழ்ச்சி. ராணுவ இசைக் குழுக்களின் நிகழ்ச்சிகளை கண்டு பார்வையாளர்கள் உற்சாகம்.

🌍உலக செய்திகள்

போர் நிறுத்தப் பேச்சுவார்த்தை நடத்த மாஸ்கோவுக்கு வர வேண்டும். உக்ரைன் அதிபர் ஜெலன்சிக்கு ரஷ்ய அதிபர் புதின் அழைப்பு.

🏛️அரசியல் செய்திகள்