ஐபோன் ரூ.7,000 மட்டுமே இன்ஸ்டாவில் கவர்ச்சி விளம்பரம் செய்து ஏமாற்றிய 2 பேர் கைது

ஐபோன் ரூ.7,000 மட்டுமே இன்ஸ்டாவில் கவர்ச்சி விளம்பரம் செய்து ஏமாற்றிய 2 பேர் கைது

புதுச்சேரியைச் சேர்ந்த மகேஷ் மற்றும் திருச்சியைச் சேர்ந்த சஜித் என இரண்டு பேர் ஐபோன் 15 மொபைல் போனை வெறும் ரூ.7,000க்கு வழங்கும் போலி இன்ஸ்டாகிராம் விளம்பரங்களைக் காட்டி, தமிழ்நாட்டைச் சேர்ந்த 100க்கும் மேற்பட்டவர்களை ஏமாற்றியதாகக் கூறப்படுகிறது. 

பணம் செலுத்தியவுடன் கொரியரில் போன் கொடுக்கும் முகவரிக்கு அனுப்பப்படும் என்று சமூக வலைத்தளமான இன்ஸ்டாகிராமில் விளம்பரம் வந்தது.இதை நம்பி தமிழ்நாடு, புதுச்சேரியை சேர்ந்த சுமார் 100-க்கும் மேற்பட்ட இளைஞர்கள் பணம் செலுத்தியுள்ளனர். ஆனால் பணத்தை வாங்கிய கும்பல், போன் அனுப்பாமல் ஏமாற்றியது.

இதுகுறித்து புதுச்சேரி சைபர் கிரைம் காவல் நிலையத்தில் பாதிக்கப்பட்ட கோரிமேட்டைச் சேர்ந்த ரஞ்சித் குமார் அளித்த புகாரின் அடிப்படையில் இந்த வழக்கு பதிவு செய்யப்பட்டுள்ளது.

இது குறித்த விசாரனையில் திருச்சியை சேர்ந்த Shajith Ahmud (19), புதுச்சேரி வைத்திகுப்பத்தை சேர்ந்த மாதேஷ் ஆகிய 2 பேர் இந்த மோசடியில் இருப்பது தெரியவந்தது. இதையடுத்து அவர்களை சைபர் கிரைம் போலீசார்அவர்களை கைது செய்து புதுச்சேரி காலாப்பட்டு மத்திய சிறையில் அடைத்தனர்.

ஐந்து வங்கிக் கணக்குகள் மோசடிக்கு உதவ பயன்படுத்தப்பட்டதாகவும், 15 லட்ச ரூபாய்க்கு மேல் பரிவர்த்தனைகள் செய்யப்பட்டதாகவும் புலனாய்வாளர்கள் கண்டறிந்துள்ளனர். 

குற்றம் சாட்டப்பட்டவர்களிடமிருந்து நான்கு மொபைல் போன்கள் மற்றும் 1.3 லட்சம் ரூபாய் பணத்தை அதிகாரிகள் பறிமுதல் செய்துள்ளனர். இதுவரை, தேசிய சைபர் கிரைம் ரிப்போர்ட்டிங் போர்டல் (NCRP) மூலம் அவர்களுக்கு எதிராக 43 புகார்கள் பதிவு செய்யப்பட்டுள்ளன. குற்றம் சாட்டப்பட்ட இருவரும் நீதிமன்றக் காவலில் வைக்கப்பட்டுள்ளனர்.