தமிழகத்தில் பைக் டாக்சிக்கு அனுமதி கிடையாது மீறினால் அபராதம் - தமிழக அரசு Bike taxis are not allowed in Tamil Nadu

தமிழகத்தில் பைக் டாக்சிக்கு அனுமதி கிடையாது-மீறினால் அபராதம் - தமிழக அரசு

தமிழ்நாட்டில் பைக் டாக்சிக்கு அனுமதி கிடையாது. விதியை மீறி பைக் டாக்சி ஓட்டினால் அபராதம் விதிக்கப்படும்" என உயர் நீதிமன்றத்தில் தமிழ்நாடு அரசு தகவல்.

சென்னை உயர்நீதிமன்ற மதுரை அமர்வில் மதுரையைச் சேர்ந்த நவீன்குமார் தாக்கல் செய்த பொது நல மனுவில், தமிழகத்தில் ரேப்பிடோ, ஓலா, ஊபர் போன்ற  'பைக்-டாக்ஸி' சேவைகள் அதிகரித்து வருகின்றன. இவை பலருக்கும் பயனளிக்கக் கூடிய வகையில் உள்ளன. ஆனால், இந்தச் சேவைகளை ஒழுங்குபடுத்துவதற்கான அரசின் திட்டமோ, விதிகளோ தமிழகத்தில் இல்லை.

இந்த வழக்கு விசாரணையில் குழு அமைத்து ஆய்வு செய்த பிறகே இதில் கொள்கை முடிவு எடுக்க முடியும்... அதுவரை அனுமதி இல்லை என தமிழக அரசு வாதம். விரைவில் கொள்கை முடிவு எடுக்க நீதிபதிகள் உத்தரவு.