மத்திய அரசின் இலவச சமையல் சிலிண்டர் வாங்க ஆன்லைனில் விண்ணப்பிப்பது எப்படி?முழு விவரம் ujjwala yojana free gas cylinder apply online

மத்திய அரசால் அறிமுகப்படுத்தப்பட்ட திட்டங்களில் ஒன்று பிரதான் மந்திரி உஜ்வாலா யோஜனா. இத்திட்டத்தின் கீழ் இலவச சமையல் எரிவாயு இணைப்பு வழங்கப்பட்டு வருகிறது. இந்த திட்டத்தின் படி கேஸ் அடுப்பும், முதலாவது சிலிண்டரும் பயனாளிகளுக்கு இலவசமாக வழங்கப்பட்டு வருகிறது. 

இதற்கு விண்ணப்பிக்க http://www.pmuy.gov.in என்ற அதிகாரபூர்வ தளத்தில் சென்று உஜ்வாலா யோஜனா 2.0 திட்டத்திற்கு விண்ணப்பிக்கலாம்.

பொதுவாக கிராமப் பகுதிகளிலும் வறுமை கோட்டுக்கு கீழுள்ள குடும்பங்களிலும் வசிக்கும் பலர் சமைப்பதற்கு சுத்தப்படுத்தப்படாத மண்ணெண்ணெய். மரக்கட்டை, மற்றும் மாட்டுச்சாண வறட்டி உள்ளிட்டவற்றை சமையல் அடுப்பில் பயன்படுத்தி வந்தனர் .

அனைவருக்கும் சிலிண்டர் என்கின்ற திட்டத்தை பிரதமர் மோடி அவர்கள் கடந்த 2016 மாண்டு துவக்கி வைத்தார் அந்த திட்டத்தின் பெயர் தான் உஜ்வாலா யோஜனா திட்டம்

இந்த திட்டத்தின் கீழ் வருமைகோட்டுக்கு கீழ் உள்ளவர்கள் பட்டியலின, பழங்குடியினர், மிகவும் பிற்படுத்தப்பட்ட பிரிவுகள், வனவாசிகள், தீவுகள்) சேர்ந்த சுமார் 5 கோடி பெண்களுக்கு இலவச சமையல் எரிவாயு இணைப்பு வழங்குவது இலக்காக நிர்ணயக்கப்பட்டது.

இந்த திட்டத்தின் பயன்கள்

வறுமைக் கோட்டிற்கு கீழ் உள்ள குடும்பத்தினர் இணைப்பிற்கு ரூ.1600 நிதி உதவி வழங்கப்படும்.  நிர்வாகச் செலவிற்காக இத்தொகையில் எரிவாயு உருளை, ரெகுலேட்டர், எரிவாயுக் குழாய் ஆகியவற்றை வழங்குவதும்  இதில் அடங்கும்.

இந்த திட்டத்தில் பங்குபெற்று பயன்பெற தகுதிகள்

• வறுமைக் கோட்டிற்கு (BPL) கீழ் உள்ளவர்களாக இருக்கவேண்டும்

• பயனாளி பெண் அங்கத்தினராக இருத்தல் வேண்டும்.

• அக்குடும்பத்தில் உள்ள மற்ற  நபர் யாரும் எரிவாயு இணைப்பு பெற்றிருக்கக் கூடாது.

• குடும்ப அட்டையில் பயனாளியின் பெயர் இடம் பெற்றிருக்க வேண்டும்.

• பயனாளி நிரந்தரமாக அதே இருப்பிடத்தைச் சார்ந்தவராக இருக்க வேண்டும்.

• பயனாளியின் வீட்டு சமையல் அறையில் மேடை இருத்தல் வேண்டும். அல்லது மேடை அமைக்க முன் வரவேண்டும்.

• 2011-ஆம் ஆண்டின் கணக்கெடுப்பில் உள்ள வறுமைக் கோட்டுக்கு கீழ் உள்ளோர் பட்டியலில் இடம் பெற்றிருக்க வேண்டும்

எங்கு விண்ணப்பிப்பது எப்படி விண்ணப்பிப்பது?

இந்த திட்டத்தில் விண்ணப்பிக்க அலுவலகம் சென்று நேரில் அல்லது ஆன்லைனில் நீங்கள் விண்ணப்பிக்கலாம்

நேரில் சென்று விண்ணப்பிக்க உங்கள் அருகில் உள்ள கேஸ்விநியோகஸ்தர் அலுவலகம் சென்று விண்ணப்பப்படிவம்  வாங்கி பூர்த்தி செய்து விண்ணப்பிக்கலாம்

• குடும்ப அட்டை

• ஜன்தன் வங்கிக் கணக்கு, 

• ஆதார் எண் 

ஆகிய நகல்களை இணைக்க வேண்டும்

கட்டணமில்லா தொலைபேசி எண் 1800233555 அல்லது 1966 

ஆன்லைனில் விண்ணப்பிக்க 

https://pmuy.gov.in/

முதலில் https://www.pmuy.gov.in/ என்ற அதிகாரப்பூர்வ இணையதளம் செல்லவும்

அடுத்து அதில் Apply for PMUY Connection என்ற லிங்கைக் கிளிக் செய்யவும்.

அடுத்து இண்டேன், பாரத் கேஸ் மற்றும் ஹெச்பி கேஸ் ஆகிய மூன்று கேஸ் ஏஜென்சி விருப்பங்களைக் காண்பிக்கும் அதில் ஒன்றைத் தேர்ந்தெடுக்கவும்

அடுத்து  New Connection" என்ற ஆப்ஷனைக் கிளிக் செய்து Type of Connection என்பதில்  Ujjwala 2.0 New Connection என்பதை கிளிக் செய்யவும்

அடுத்து உங்கள் அருகிலுள்ள விநியோகஸ்தரைத் தேர்ந்தெடுத்து விண்ணப்பப் படிவத்தை கவனமாக நிரப்பவும். தேவையான அனைத்து ஆவணங்களின் ஸ்கேன் செய்யப்பட்ட நகல்களைப் பதிவேற்றி, "Submit" கொடுத்து விண்ணப்பப் படிவத்தை பிரிண்ட் எடுத்து, தேவையான ஆவணங்களுடன் அருகிலுள்ள எரிவாயு நிறுவனத்தில் சமர்ப்பிக்கவும்.