அரசு மருத்துவமனைகளில் காலியாக உள்ள 2,250 துணை, கிராம சுகாதார செவிலியர் பணியிடங்களுக்கு விண்ணப்பிக்கலாம் முழு விவரம்

தமிழகம் முழுவதும் காலியாக உள்ள 2,250 துணை செவிலியா்கள் மற்றும் கிராம சுகாதார செவிலியா் பணியிடங்களை நிரப்புவதற்கான அறிவிக்கையை மருத்துவப் பணியாளா் தோவாணையம் வெளியிட்டுள்ளது.

தற்போது மாநிலம் முழுவதும் காலியாக உள்ள 2,700-க்கும் மேற்பட்ட துணை செவிலியா் மற்றும் கிராம சுகாதார செவிலியா் பணியிடங்களில் 2,250 பணியிடங்களை நிரப்ப எம்ஆா்பி அறிவிக்கை வெளியிட்டுள்ளது.

துணை செவிலியா்கள் மற்றும் கிராம சுகாதார செவிலியா் பணியிடங்களுக்கு விண்ணப்பங்கள் வரவேற்கப்படுகின்றன. https://www.mrb.tn.gov.in/ என்ற இணையதள பக்கத்தில் வரும் 31-ஆம் தேதி வரை விண்ணப்பிக்கலாம்.பதிவுக் கட்டணம் எஸ்சி, எஸ்டி பிரிவினருக்கு ரூ.300-ஆகவும், மற்ற பிரிவினருக்கு ரூ.600-ஆகவும் நிா்ணயிக்கப்பட்டுள்ளது. இணையவழியாக பெறப்படும் விண்ணப்பங்கள் மட்டுமே ஏற்றுக் கொள்ளப்படும். கூடுதல் விவரங்களுக்கு எம்ஆா்பி இணையதளத்தை அணுகலாம் என்று அந்த அறிவிக்கையில் குறிப்பிடப்பட்டுள்ளது.

கல்வி தகுதி:-

12ம் வகுப்பு தேர்ச்சி 

அத்துடன் மல்டி பர்பஸ் ஹெல்த் வொர்க்கர் டிரெய்னிங் கோர்ஸ்/ ஆக்சிலரி நர்ஸ் மிட்வைப்ரி டிரெய்னிங் கோர்ஸ் முடித்து இருக்கவேண்டும்

தமிழ்நாடு நர்சஸ் மற்றும் மிட்வைப்ஸ் கவுன்சிலில் பதிவு செய்திருக்க வேண்டும்.

வயது வரம்பு:-

18 முதல் 42 வயது வரை உள்ளவர்கள் விண்ணப்பிக்கலாம்

குறிப்பிட்ட பிரிவினர் மாற்றுத்திறனாளிகளுக்கு வயது வரம்பில் தளர்வு உண்டு.

மாத சம்பளம்:-

ஆக்சிலரி நர்ஸ் மற்றும் கிராம சுகாதார நர்ஸ் என 2 பணியிலும் லெவல் 8 பணியாளர்களின் ஊதிய முறையில் சம்பளம் வழங்கப்படும். 

குறைந்தபட்ச மாத ஊதியம் ரூ19,500 அதிகபட்சமாக ரூ.62,000 வரை ஊதியம் கிடைக்கும்.

மேலும் விவரங்களுக்கு:-

https://www.mrb.tn.gov.in/pdf/2023/VHN_Notification_2023.pdf