கொல்கத்தா சென்னை கோரமண்டல் எக்ஸ்பிரஸ் தடம் புரண்டு விபத்து மீட்பு பணி வீடியோக்கள் Coromandel Express Accident

Jun 02, 2023 அட்மின் மீடியா

கொல்கத்தாவில் இருந்து சென்னை நோக்கி வந்த கோரமண்டல் விரைவு ரயில் ஒடிசாவில் விபத்துக்குள்ளானது

கோரமண்டல் எக்ஸ்பிரஸ் ரயில்

கொல்கத்தாவில் இன்று மாலை 3.20 மணிக்கு புறப்பட்டு சென்னைக்கு வந்துகொண்டிருந்த கோரமண்டல் எக்ஸ்பிரஸ் ரயில் எண் - 12842 ஒடிசாவின் பாலசோர் மாவட்டத்தின் பஹானாகா ரயில் நிலையம் அருகே உள்ள வனப்பகுதியில் இரவு 7 மணியளவில் ரயில் வந்து கொண்டிருந்த போது,கோரமண்டல் எக்ஸ்பிரஸ் ரயில் தடம்புரண்டு, சரக்கு ரயிலுடன் நேருக்கு நேர் மோதிவிபத்துக்குள்ளானது

இந்த கோர விபத்தில் கோரமண்டல் எக்ஸ்பிரஸ் ரயிலில் உள்ள 6 பெட்டிகள் நசுங்கி ஒன்றின் மீது ஒன்று மோதியுள்ளது

வனப்பகுதியில் விபத்து நடந்ததால் உடனடியாக யாருக்கும் தெரியவரவில்லை. ரயில் குறிப்பிட்ட நேரத்தில் ஸ்டேஷனுக்கு வராதது குறித்து விசாரணையில் விபத்து குறித்து தெரியவந்திருக்கிறது

உடனடியாக விபத்து நிகழ்ந்த இடத்துக்கு தீயணைப்புப் படையினர், பேரிடர் மீட்புப் படையினர், போலீஸார் விரைந்து சென்று மீட்புப் பணியில் ஈடுபட்டு வருகின்றனர்.

எனினும், ரயில் பெட்டிகள் நசுங்கி இருப்பதால் உள்ளே சிக்கியிருப்பவர்களை மீட்க முடியவில்லை எனக் கூறப்படுகிறது.

இந்த விபத்தில் இதுவரை சுமார் 132 பேர் காயமடைந்திருப்பதாக ஒடிசாவின் தலைமை செயலாளர் தெரிவித்துள்ளார்.மேலும் முதற்கட்ட தகவலில், சுமார் 50 பேர் உயிரிழந்ததாக கூறப்படுகிறது. காயமடைந்தவர்களை மருத்துவமனைக்கு கொண்டு செல்லப்பட்டு வருகின்றனர். இரவு நேரத்தில் வனப்பகுதியில் விபத்து நடந்திருப்பதால் மீட்பு பணிகளில் தொய்வு ஏற்பட்டுள்ளதாக தகவல்கள் தெரிவிக்கின்றன.

ஒடிசா முதலமைச்சர் நவீன் பட்நாயக் உடன் முதலமைச்சர் மு.க.ஸ்டாலின் தொலைபேசியில் தொடர்பு கொண்டு மீட்புபணிகள் குறித்து கேட்டறிந்துள்ளார் தமிழ்நாட்டைச் சேர்ந்த பயணிகள் மீட்பு மற்றும் உதவிப்பணிகளுக்காக அமைச்சர் சிவசங்கர் மற்றும் ஐ.ஏ.எஸ். அதிகாரிகள் குழு நாளை ஒடிசா செல்கின்றனர்

விபத்து குறித்து தொடர்பு கொள்ள அவசர கட்டுப்பாட்டு அறை

பாலசோர் (ஒடிசா) +91 67822 62286

ஹவுரா ஹெல்ப்லைன் - 033 26382217

காரக்பூர் ஹெல்ப்லைன் - 8972073925, 9332392339,

பாலசோர் ஹெல்ப்லைன் - 8249591559, 7978418322

ஷாலிமார் ஹெல்ப்லைன் - 9903370746

சென்னை சென்ட்ரல் ரயில் நிலையம் 044- 25330952, 044-25330953 & 044-2535477

மீட்பு பணிகள் வீடியோ:-

https://twitter.com/drapr007/status/1664658590517571584

https://twitter.com/_Hari_tweets/status/1664757649479532544

https://twitter.com/drapr007/status/1664662647726575617

https://twitter.com/iplbhakt/status/1664667699580993539