இந்தியாவில் இருந்து கோதுமை இறக்குமதிக்கு 4 மாதங்கள் தடை விதித்தது ஐக்கிய அரபு அமீரகம் உண்மை என்ன??

இந்தியாவிலிருந்து கோதுமை, கோதுமை மாவு, கோதுமை தொடர்பான பொருட்களின் ஏற்றுமதி மற்றும் மறு ஏற்றுமதியை அடுத்த 4 மாதங்களுக்கு நிறுத்தி வைக்க ஐக்கிய அரபு அமீரகத்தின் பொருளாதாரம் அமைச்சகம் உத்தரவிட்டுள்ளது

இந்தியாவிலிருந்து வரும் கோதுமையை ஏற்றுமதி, மறு ஏற்றுமதி செய்ய ஐக்கிய அரபு அமீரகம் தற்காலிக தடை விதித்துள்ளது. ஏற்றுமதி, மறு ஏற்றுமதிக்கு தடை விதிக்க ஐக்கிய அரபு அமீரகத்தின் பொருளாதார அமைச்சரகம் உத்திரவிட்டுள்ளது.

சர்வதேச நிலவரங்களால் ஏற்பட்டுள்ள வர்த்தக சூழ்நிலையைக் கருத்தில் கொண்டு இந்திய கோதுமைக்கு தடை விதிக்கப்பட்டுள்ளதாகவும் கோதுமை ஏற்றுமதி, மறு ஏற்றுமதி செய்ய விரும்புபவர்கள் முதலில் ஐக்கிய அரபு அமீரகத்தின் சம்மந்தப்பட்ட அமைச்சகத்திடம் தங்களது ஆவணங்களை சமர்பிக்க வேண்டும் எனவும், அதன்பின்னர் இது தொடர்பான முடிவுகள் அறிவிக்கப்படும் எனவும் அமீரக அரசு தெரிவித்துள்ளது.

அதாவது  அமீரகத்தின் கையிருப்பில் உள்ள கோதுமையை இதர நாடுகளுக்கு ஏற்றுமதி செய்வதற்கு, ஐக்கிய அரபு அமீரகம் தடை விதித்துள்ளது. இந்தியாவில் இருந்து கோதுமை இறக்குமதி செய்ய தடை விதிக்கவில்லை. 

இந்திய வகை கோதுமையை இந்தியாவில் இருந்து இறக்குமதி செய்த பின், தனது தேவை போக, மற்ற நாடுகளுக்கு ஐக்கிய அரபு அமீகரம் ஏற்றுமதி செய்கிறது. அதற்குத்தான் 4 மாதங்கள் தற்காலிக தடை விதிக்கப்பட்டுள்ளது.