இரவு 11 மணிக்கு மேல் 16 வயதுக்குட்பட்ட சிறுவர்களை தியேட்டருக்குள் அனுமதிக்க கூடாது – தெலங்கானாவில் புதிய உத்தரவு

16 வயதுக்குட்பட்ட குழந்தைகளை இரவு 11 மணிக்கு மேல் திரையரங்குகளுக்குள் அனுமதிக்க வேண்டாம் - தெலுங்கானா உயர் நீதிமன்றம்

தெலங்கானாவில் 16 வயதுக்கு உட்பட்ட சிறுவர் சிறுமிகளை காலை 11 மணிக்கு முன்பாகவோ இரவு 11 மணிக்கு| பிறகோ திரையரங்கிற்குள் அனுமதிக்கக் கூடாது என மாநில உயர்நீதிமன்றம் உத்தரவு!

அதிகாலை, நள்ளிரவில் படம் பார்ப்பது மனதளவில் குழந்தைகளுக்கு பாதிப்பை ஏற்படுத்தலாம் என நீதிபதி விஜய்சென் ரெட்டி கருத்து

அம்மாநிலத்தில் திரைப்பட டிக்கெட் விலை உயர்வு மற்றும் சிறப்பு காட்சிகளுக்கான அனுமதி தொடர்பான மனு மீதான விசாரணைக்குப் பிறகு இந்த முடிவு எடுக்கப்பட்டுள்ளது.

16 வயதுக்குட்பட்ட குழந்தைகள் இரவு 11 மணிக்கு மேல் திரையரங்குகள் அல்லது மல்டிபிளக்ஸ்களுக்குச் சென்று திரைப்படங்களைப் பார்க்க தடை விதித்து தெலுங்கானா உயர் நீதிமன்ற நீதிபதி பி விஜய்சென் ரெட்டி திங்கள்கிழமை உத்தரவு பிறப்பித்தார்.

மனுதாரர்கள் தரப்பில் ஆஜரான வழக்கறிஞர்கள், சிறார்களை தாமதமான நேரங்களில் திரைப்படம் பார்க்க அனுமதிக்கக் கூடாது என்றும், இரவு நேர காட்சிகளின் போது திரையரங்குகளில் சிறார்களின் நுழைவை ஒழுங்குபடுத்துவதில் எந்த தடையும் இல்லை என்றும் வாதிட்டனர்.

அதிகாலை அல்லது நள்ளிரவில் குழந்தைகளை வெளியே சென்று திரைப்படம் பார்க்க அனுமதிப்பது குறித்து கவலை தெரிவித்த நீதிபதி, அது அவர்களின் உடல் மற்றும் உணர்ச்சி நலனுக்கு தீங்கு விளைவிப்பதாகக் குறிப்பிட்டார்.

பதினாறு வயதுக்குட்பட்ட குழந்தைகள் திரையரங்குகள் அல்லது மல்டிபிளக்ஸ்களில் காலை 11 மணிக்கு முன்பும் இரவு 11 மணிக்குப் பிறகும் நுழைவதைக் கட்டுப்படுத்துவது குறித்து முடிவெடுக்குமாறு மாநில அரசுக்கு உத்தரவிட்ட நீதிபதி விஜய்சென் ரெட்டி, அதுவரை இரவு 11 மணிக்குப் பிறகு சிறார்களை திரைப்படம் பார்க்க அனுமதிக்கக் கூடாது என்றார்.