புவி ஈர்ப்பு விசைஇல்லாத விண்வெளியில் விவசாயம் இஸ்ரோ வெளியிட்ட புகைப்படம் முழு விவரம்

புவி ஈர்ப்பு விசைஇல்லாத விண்வெளியில் விவசாயம் இஸ்ரோ வெளியிட்ட புகைப்படம் முழு விவரம்

விண்வெளியில் தாவர வளர்ச்சிக்கான CROPS திட்டம் வெற்றிகரமாக செயல்பட தொடங்கியுள்ளதாக இஸ்ரோ அமைப்பு அறிவித்துள்ளது.

இந்திய விண்வெளி ஆய்வு நிறுவனமான இஸ்ரோ விண்ணில் அனுப்பப்பட்ட பிஎஸ்எல்வி சி-60 ராக்கெட்டின் இறுதி பகுதியான பிஎஸ் 4 இயந்திரத்தில், போயம் அதாவது PSLV Orbital Experimental Module  கிராப்ஸ் ஆய்வுக் கருவியில் 8 காராமணி விதைகள், 4 நாட்களில் முளைக்க தொடங்கி உள்ளதாக இஸ்ரோ தெரிவித்துள்ளது. 

மேலும் PSLV C-60 சாட்டிலைட்டின் துணைக்கோளான VSSC விண்கலத்தில், காராமணி விதைகள் முளைத்துள்ள புகைப்படத்தை வெளியிட்டுள்ள இஸ்ரோ, "விரைவில் இலைகள் உருவாகும்" என்றும் தெரிவித்துள்ளது.

மேலும், "காராமணி விதைகள் முளைவிட்டன, முளைவிட்ட காராமணியில், விரைவில் இலைகள் வளருமென எதிர்பார்க்கிறோம். 7 நாள்களுக்குள் விதை முளைவிடுமென எதிர்பார்க்கப்பட்ட நிலையில், 4 நாள்களில் முளைத்தன. வருங்காலத்தில் விண்வெளியில் வேளாண் சூழலை ஏற்படுத்துவதற்கான முன்கட்ட பரிசோதனை இதுவாகும்" என்று குறிப்பிட்டுள்ளது.

கிராப்ஸ் கருவியை பொறுத்தவரை, தானியங்கி செயல்பாடுகளுடன் கூடிய மூடப்பட்ட பாகங்களை கொண்டது. இதில் உள்ள சிறப்பு பேலோட்டுகளில் சிறிய அளவு மண்ணில் 8 காராமணி விதைகள் விதைக்கப்பட்டன.