பள்ளி, கல்லூரி மாணவர்கள் அரசு பேருந்தில் இலவசமாக பயணிக்கலாம்.. தமிழக அரசு !!

செப்டம்பர் 1ஆம் தேதி முதல் பள்ளி, கல்லூரி மாணவர்கள் அரசு பேருந்துகளில் கட்டணமின்றி பயணிக்கலாம் என்று போக்குவரத்து துறை அறிவித்துள்ளது. 

தமிழகத்தில் செப்டம்பர் 1-ந் தேதி முதல் 9, 10, 11 மற்றும் 12-ம் வகுப்பு மாணவர்களுக்கான பள்ளிகள் மற்றும் கல்லூரிகளும் திறக்கப்பட இருக்கின்றன.

இந்நிலையில் பள்ளி, கல்லூரிகள் திறக்கப்பட உள்ளதால் வரும் 1 ஆம் தேதி முதல் பள்ளி, கல்லூரி மாணவர்கள் கட்டணம் இன்றி பயணிக்கலாம் என்று போக்குவரத்து துறை அமைச்சர் ராஜகண்ணப்பன் தெரிவித்துள்ளார்.

பள்ளி, அரசுக் கல்லூரி, ஐடிஐ, பாலிடெக்னிக் மாணவர்கள் புகைப்படத்துடன் கூடிய அடையாள அட்டையை காண்பித்து இலவசமாக பயணிக்கலாம் என தெரிவிக்கப்பட்டுள்ளது.