Breaking News

2000 ஆண்டுகள் பழைமையான உணவகம்: இத்தாலியில் கண்டுபிடிப்பு: வீடியோ இணைப்பு

அட்மின் மீடியா
0

பொம்பெயி மாநகரமானது இன்றைய இத்தாலி நாட்டின் நேபிள்ஸ் நகரத்திலிருந்து, தென் கிழக்குப் பகுதியில் சுமார் 23 கிலோமீட்டர் தொலைவில் அமைந்த பண்டைய நகரம் ஆகும். 

இங்கு கிபி 79-இல் வெசூவியஸ் எரிமலை வெடிப்பின் காரணமாக வெளியான எரிமலைச் சாம்பல் மற்றும் இறுகிய தீக்குழம்புகளினுள் அகப்பட்டு பொம்பெயி நகரம் 4 முதல் 6 மீற்றர் வரை புதையுண்டு போனது. அதன் பின்னர் கிட்டத்தட்ட 18 ஆம் நூற்றாண்டளவிலான காலப்பகுதி வரையில் அதாவது 1749 ஆம் ஆண்டு தற்செயலாகக் கண்டறியப்படும் வரையில் இந்நகரம் தொலைந்து போயிருந்தது. 




அதன் பின்னர் நடந்த ஆய்வுகள் உரோமப் பேரரசு மிக உயர்வான நிலையிலிருந்த காலப்பகுதியில் மக்களின் வாழ்க்கை, பண்பாடுகள் எவ்வாறிருந்தன என்பது தொடர்பில் மிகக் கூடிய தகவல்களை அளித்துள்ளன. 

இந்நிலையில், மண்ணிற்குள் புதைந்துபோன இத்தாலி நாட்டின் பாம்போயி நகரத்தில் துரித உணவகம் தெருவில் செயல்பட்டதன் தொல்பொருள் படிவங்களை ஆராய்ச்சியாளர்கள் கண்டறிந்துள்ளனர். 


ரோமாபுரி கலாச்சாரத்தை பிரதிபலிக்கும் வகையில், வழிப்போக்கர்களுக்காக இவ்வுணவகம் இயங்கி இருக்கலாம் என்றும், இந்த இடத்தில் கண்டறியப்பட்ட ஓவியங்கள், படங்கள் போன்றவை துரித உணவகத்தை உறுதி செய்வதாகவும் ஆய்வாளர்கள் தெரிவித்துள்ளனர். 


சுமார் 2000 வருடங்களுக்கு முன்னதாக உள்ள சுடுமண் கூஜாவில் கடையின் உரிமையாளர் உணவை வைத்துள்ளார் என்றும், உணவகத்தின் முகப்பு வண்ண நிறங்களால் அலங்கரிக்கப்பட்டுள்ளது என்றும், கோழி மற்றும் வாத்து புகைப்படங்கள் வரையப்பட்டுள்ளதாகவும் ஆய்வாளர்கள் தெரிவித்துள்ளனர்.

2000 ஆண்டுகள் பழைமையான உணவக வீடியோ

Tags: வைரல் வீடியோ

Share this